• Йеңилиқлар
• 25 Қазан, 2013

Мәнзил рошән, вәзипиләр ениқ

Хәлиқниң қоллап-қувәтлишигә еришкән «Нур Отан» партиясиниң ХV қурултийини көптин күткән едуқ. У наһайити алий дәриҗидә өтти. Қурултай давамида елимиз Президенти, «Нур Отан» партиясиниң рәиси Нурсултан Назарбаев мустәқилликниң дәсләпки он жиллиғида қурулған партияниң  турақлиқ тәрәққият уютқисиға айланғинини тәкитлиди.Умумхәлиқ муһакимисидин өтүп, тәклипләр билән толуқтурулған «Нур Отан» партиясиниң йеңи сәясий Доктриниси қобул қилинип, кәлгүсиниң вәзипилири тәһлил қилинди. Әслидә бу һөҗҗәт «Қазақстан-2050» Стратегиясини әмәлгә ашурушниң ениқ йоллирини көрситиду. Қурултай һарписида Дөләт рәһбириниң «А» корпуси тәркивидики дөләтлик хадимлар билән учришип, муһим мәсилиләр әтрапида ой-пикирлири билән бөлүшкини мәлум. Қурултай давамидиму мәмликәт Президенти ташқи сода, яшлар сәясити, индустриал-инновациялиқ программиларниң орунлиниши вә дөләт тилиниң мәртивиси мәсилилиригә кәң тохталди. «Нур Отан» партияси авам хәлиқ билән ишләп кәлди вә кәлгүсидиму шундақ болиду. Партияниң һәрбир әзаси өзигә жүкләнгән вәзипиләрни чоңқур һис қилишқа тегиш. Җәмийәттә аң-сезимни өзгәртип, елим үчүн хизмәт қилимән дегән мәвқәни қелиплаштуруш лазим.

Көйүмчан ӨМӘРОВ,