• Дунияда мөҗүзә тола
  • 06 Желтоқсан, 2013

Әң қиммәт самолетлар

«Падишаниң худа болғуси келиду» демәкчи, адәттә, байлар қанчә паравән һаят кәчүргәнсири, униңдинму яхши өмүр сүрүшкә интилиду. Мәсилән, һазирқи байвәччиләр барлиқ шараит яритилған һашамәтлик өйләрдә туруп, автомашиниларниң әң қиммәтлирини минип, раһәтлинип яшисиму, мошундақ ләззәтни пәзадиму көргүси келиду. Һазирқи вақитта дуния байвәччилириниң көпчилиги өзлириниң шәхсий самолетлиридин пайдилинишни тоғра көриду. Йәнә келип уларниң ичидә барлиқ шараитниң болушини халайду. Әйнә шундақ һәммә мүмкинчилик яритилған «төмүр қушларниң» бири Сәүд Әрәпстаниниң шаһзадиси Әл-Валид бин Талалуға тәәллуқ «Aіrbus A380» (тәхминән баһаси 500 миллион АҚШ доллириға тәң) самолетидур. Бу һашамәтлик «учарқанат» бир қетимлиқ қачиланған йеқилғу билән 14500 километр мусапини бесип өтәләйду. Униң бортида дәм елиш бөлмилири, түрк мончиси, спорт вә концерт заллири, 5 ухлаш бөлмиси, меһманлар үчүн 20 бөлмә, коктейль-бар, автогараж, сирттики барлиқ мөҗүзини көрситип туридиған йоған монитор бар. Самолеттин пайдилиниш бәхтигә еришкән йолувчиларға 15 хадим алий дәриҗидә хизмәт көрситиду. Дуниядики әң қиммәт самолетларниң йәнә бириниң ғоҗайини («Aіrbus A340 — 300», баһаси 238 миллион АҚШ доллири) — россиялик миллиардер Алишер Һосмановтур. Униң сиртида «Bourkhan» (Алишерниң дадисиниң исми) дәп йезилған. Шу нәрсә диққәткә сазавәрки, қайтидин җабдуқлаш нәтиҗисидә мәзкүр лайнерниң баһаси 500 миллионға көтирилгән. У һәтта Россия президенти Владимир Путинға тәәллуқ «Ил-96» самолетидинму қиммәткә тохтайдиғанлиғи қизиқарлиқтур. Дуниядики әң бай монарх Бруней султаниниң самолети бу тизимда үчинчи орунни егиләйду. Униң дәсләпки баһаси 100 миллион АҚШ доллириға тәң болғини билән султан кейинирәк униңға йәнә шунчиликла мәбләғ чиқирип, қиммитини ашурди. Униңда жуқурида қәйт қилинған һава лайнерлиридики  шараитларниң һәммиси болмисиму, зал, ухлаш вә ванна бөлмилири алтун һәм хрусталь буюмлар билән җабдуқланған. Даңлиқ россиялик оллигарх Роман Абрамовичниң «Boeіng-767-33A/E» самолети гәп болуватқан рейтингта төртинчи орунни егиләйду. Униңдики бирқатар җиһазлар алтундин ишләнгән. 300 адәм сиғидиған бортта 30 адәмгә зияпәт беришкә молҗаланған ресторан ишләйду. Ейтмақчи, Абрамовичниң буниңдин башқа йәнә бир «А340 — 313Х» самолети һәм үч «Eurocopter» вертолети вә бирнәччә яхтиси бар. Әң қиммәт самолетлар рейтинги бойичә бәшинчи орунни Гонконгниң даңлиқ санаәт магнати Жозеф Лауниң «Boeіng 747-81 VІP» һава кемиси егиләйду. У 153 миллион АҚШ доллириға баһаланған. Униң дизайниға әң ахирқи заманивий инновациялик технологияләр пайдилинилған. 223,3 квадрат метр мәйданда дәм елиш, ишләш вә меһман күтүш үчүн барлиқ шараит яритилған.

599 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы