• Йеңилиқлар
  • 06 Желтоқсан, 2013

Фаина Раневская дәптекән

Атақлиқ сәнъәткар, онлиған спектакль вә кинофильмларда нурғунлиған рольларни ойниған, СССР хәлиқ артисти Фаина Раневская (1896 — 1984) пәқәт талантлиқ актриса болупла қалмай, шундақла сөзгә чевәр, чақчақ-һәзилниң маһийитини чоңқур чүшинидиған, һазирҗавап ярқин шәхс болған еди. Униң юморға толуп-ташқан, бәзидә бәкму күлкилик, бәзидә муңлуқ һекмәтлири Россия фольклориниң тәркивий қисмиға айланди. Төвәндә оқурмәнләр диққитигә әшу сәнъәткарниң бир түркүм афоризмлири билән у өзи тоқуп чиқарған ләтипилирини һавалә қиливатимиз. Қерилиқ зерикәрлик иш, амма у узақ яшашниң бирдин-бир амили. *** Пүткүл һаятимни ахмақларчә яшап өткүзүшкә әқлимниң йәткәнлигини қаримамсиз. *** — Фаина Георгиевна, өзиңизни қандақ һис қиливатисиз? — Мән өзәмни дайим һис қилимән, амма бәкму начар һис қилимән. *** Мән шунчилик қерип кәттимки, һәтта хатирилиримниму унтушқа башлидим. *** Хияллириңиз пат-патла балилиқ, яшлиқ дәвирлириңизгә атлинидиған болса, бу һаятиңизниң аяқлишип қалғанлиғиниң биринчи бәлгүси. *** Һаят дегинимиз бу өлүм билән аяқлишидиған тәҗрибә. *** Мән шунчилик дәриҗидә қерип, қабилийитим йоқилишқа башлидиму яки һазирқи яшлар тамамән башқа немидин төрәлгәнму! Әгәр мән илгири уларниң соаллириға немә дәп җавап беришни билмигән болсам, һазир һәтта немә һәққидә сораватқанлиғиниму чүшинәлмәймән. *** Бүгүн өзәмниң «дәсләпки муһәббитимни» учритип қалдим. Өз вақтида қандақ келишкән жигит еди, әнди болса, сүнъий чишлирини пақиритип, макашлап, аранла сөзләйду. Һәр иккимиз өзимизниң қерилиғини һая көрүп, иза тартип кәттуқ. *** Шөһрәт қазанған адәмниң һәмраси — ялғузчилиқ. *** Бу һаятта семиз аяллар болмайду, уларға пәқәт бәзи кийимләр тар келип қелиши мүмкин. *** — Фаина Георгиевна, қайсиси әқиллигирәк — әрләрму яки аялларму? — Аяллар әқиллигирәк. Сиз өмриңиздә әр кишиниң аяқлирини чирайлиқ дәп бешини йоқитип қойған бирәр аялни көрдиңизму? *** — Әқиллик адәмниң данишмәндин пәрқи немидә? — дәп сорапту кимду-бири Раневскаядин. — Әқиллик адәм мурәккәп вәзийәттин қандақ қилип чиқип кетишни билиду, данишмән һечқачан мундақ вәзийәткә дучар болмайду. *** — Немишкә аяллар вақтини асасий җәһәттин өзиниң пәм-параситини риваҗландурушқа әмәс, бәлки ташқи қияпитини яхшилашқа беғишлайду? — Униң сәвәви, әрләрниң арисида әқилликләргә нисбәтән қарғуларниң сани бәкму аз. *** — Фаина Георгиевна, сизниң пикриңизчә, қандақ аяллар әрлиригә нисбәтән садиқ болуп һесаплиниду — тени ақларму яки қариларму? — Чечи ақарғанлар. *** Аялларниң әрләргә нисбәтән кейинирәк өлүшиниң сәвәви шуниңдики, улар қәйәргила болмисун кечиккини кечиккән. *** Һаят бәкму қисқа, шуңлашқа уни диетиларға, қизғанчуқ әркәкләргә вә начар кәйпиятқа сәрип қилишниң һаҗити йоқ. *** — Сиз немишкә хатириләрни язмайсиз? — дәп сорапту Раневскаядин. — Һаят мениң шунчилик вақтимни еливатидуки, шу сәвәптин униң  тоғрилиқ йезишқа задила вақит тапалмайватимән. *** Һазирқи театрға мән яшлиғимда абортқа, қериғинимда чишимни жулғузушқа қандақ барған болсам, шундақ бериватимән. *** Бир нәрсини задила чүшинәлмәймән — адәмләр өзлириниң кәмбәғәл екәнлигидин иза тартиду, амма байлиғидин иза тартиватқан һечким йоқ. *** Һазирқи актерлар үнсиз турушни билмәйду. Ейтмақчи, улар һәтта сөзләшниму билмәйду. *** Раневская қиш пәслини яхши көрмәтти. Шуңлашқа: «Гитлерни қанчә өч көрсәм, қишниму шунчә өч көримән», дәтти у. *** Нурғуни өзиниң ташқи қияпитидин әнсирәйду. Әқил-һошиниң қандақ екәнлигидин әнсирәватқан бирму адәмни учратмаптимән. *** Әң яхши диета — һеч немә йемәслик. *** Яш артист қизға: —            Қәдирданим, әгәр артуқ салмиғиңизни ташлап, оруқлиғиңиз кәлсә, тамақни әйнәкниң алдида қеп-ялиңач туруп ичиң. *** Шундақ адәмләр барки, бәзидә уларниң алдиға келип, «мейисиз яшаш еғир әмәсму?» дәп сориғиңиз келиду. *** Үч әһвалда ахчиға ойнашқа болиду: 1. Әгәр қабилийитиңиз вә ахчиңиз болса; 2. Ахчиңиз йоқ, амма қабилийитиңиз болса; 3. Қабилийитиңиз йоқ, амма ахчиңиз болса. *** Бир күни қери дости Раневскаядин сорапту: —            Фаина, ейтқина, заманивий медицининиң утуқлирини немә билән дәлилләп беришкә болиду? —            Шәхсән мән уни бирла нәрсә билән дәлилләп бәргән болар едим. Яш чеғимда ениқ диагноз қоюши үчүн мән һәр қетим врачларниң алдида қеп-ялиңач дәриҗидә дегидәк йешинәттим, һазир болса, уларниң диагноз қоюши үчүн пәқәт тилимни көрситиш биләнла чәклинимән.

190 рет

көрсетілді

0

пікір
Алдыңғы мақала Һәр каллида бир хиял
Келесі мақала Әтики күнимизни бүгүн ойлисақ...

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

23 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы