• Йеңилиқлар
  • 20 Желтоқсан, 2013

Мәйрәм һарписидики мәйрәм

Җумһурийәт Мустәқиллиги күни һарписида Панфилов наһийәсидә Йеза егилиги хадимлириниң мәйрими атап өтүлди. Наһийәлик Мәдәнийәт өйидә өткүзүлгән бу тәнтәнилик чарә-тәдбир башлиништин илгири йеза егилиги мәһсулатлириниң йәрмәңкиси уюштурулуп, униңға ишләпчиқириш кооперативлири билән шәхсий дехан егиликлириниң коллективлири қатнашти. Гөш мәһсулатлири билән көктат вә мевиләр базардикигә нисбәтән әрзән баһада сетилғанлиқтин, херидарларму көп болди. Мәйрәмгә беғишланған тәнтәнилик жиғинни наһийә һакиминиң орунбасари Шөһрәт Қурбанов киришмә сөз билән ечип, риясәтчилик қилди. Наһийәлик йеза егилиги башқармисиниң башлиғи Азат Әбдикәримов доклад билән сөзгә чиқип, саһа бойичә мошу жили әмәлгә ашурулған ишлар билән кәлгүсидики вәзипиләргә әтраплиқ тохтилип өтти. Җүмлидин деханчилиқ билән чарвичилиқ, көктат өстүрүш вә бағвәнчилик саһалирида өткән жилға нисбәтән хелә көп миқдарда һосул елинғанлиғини атап көрсәтти. Терилғулуқларни тамчилитип суғириш усулиниң җарий қилиниватқанлиғини тәкитләп, умумий баһаси 210 миллион тәңгини тәшкил қилидиған йүз йеза егилиги техникилириниң сетивелинғанлиғини вә сиғимчанлиғи 3790 тоннидин ибарәт 13 қойминиң ишләватқанлиғини, шундақла һөкүмәт тәрипидин бөлүнүватқан субсидияләрниң жилдин-жилға көпийиватқанлиғини алаһидә тилға алди. Тәнтәнилик жиғинда Қазақстан Дөләт мукапитиниң лауреати, «Құрмет» ордениниң саһиби Күлғайша Бердиғулова, Панфилов наһийәсиниң Пәхрий граждини Әғзәм Мәрүпов, Баскүнчи йеза округидики шәхсий дехан егилигиниң рәһбири Гүлнәр Мәпежанова сөзгә чиқип, мәйрәмгә мунасивәтлик сәмимий тиләк-истәклирини изһар қилди. Ахирида Шөһрәт Қурбанов бир топ илғарларға Пәхрий ярлиқлар билән тәшәккүрнамиларни һәм ахчилиқ мукапатларни тапшурди. Жиғин қатнашқучилириға «Жаркент әуендери» ансамблиниң коллективи тәрипидин тәйярланған концертлиқ программа көрситилди.

Нурәхмәт ӘХМӘТОВ.

Панфилов наһийәси.

160 рет

көрсетілді

0

пікір
Алдыңғы мақала Ишбиләрмән аяллар баш қошти
Келесі мақала Мустәқиллик иптихари

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

28 Қазан, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы