• Йеңилиқлар
• 20 Желтоқсан, 2013

Мустәқиллик иптихари

Йеқинда Алмута шәһиридики «Достлуқ» өйидә җумһурийәтлик вә Алмута шәһәрлик Уйғур этномәдәнийәт мәркәзлириниң уюштуруши, шундақла «Бирлик» җәмийәтлик фондиниң, «Җанан» ханим-қизлар клубиниң, «Уйғурларниң миллий ассоциацияси» вә «Уйғур Анилар кеңиши» җәмийәтлик бирләшмилириниң қоллап-қувәтлиши билән «Мустәқиллик иптихари» мавзусида конференция болуп өтти.Конференцияни ҖУЭМниң рәиси Шаһимәрдан Нурумов ечип, «Мустәқил әлниң суписи егиз» мавзусида доклад оқуди. Шуниңдин кейин сөзгә чиққан Осетин этномәдәнийәт мәркизиниң рәиси К.Мамсуков, Курд этномәдәнийәт мәркизи рәисиниң орунбасари С.Гасанов, Алмута шәһәрлик Уйғур этномәдәнийәт мәркизиниң рәиси А.Һошуров, «Бейбітшілік әлемі» җәмийәтлик фондиниң рәиси, академик Ә.Нурманов, Ақтөбә вилайәтлик Уйғур этномәдәнийәт мәркизиниң рәиси Т.Ибрагимов, «Бирлик» җәмийәтлик фондиниң иҗраий мудири Н.Өмәрова қатнашқучиларни Мустәқиллик мәйрими билән тәбриклиди. Конференция иштракчилири җәмийәтлик ишларниң активисти, көп жиллар ҖУЭМ йенидики Ханим-қизлар кеңишигә рәһбәрлик қилған Әхтирим Әхмәтоваға сий-илтипат көрситип, уни һөрмәтлик дәм елишқа узатти. ҖУЭМ рәиси Ш.Нурумов вә наһийәлик этномәдәнийәт мәркәзлириниң рәһбәрлири, шундақла бир топ ханим-қизлар Әхтирим Әхмәтованиң җәмийәтлик ишлардики паалийитигә жуқури баһа бәрди. Академик Ә.Нурманов болса, униңға өзи рәһбәрлик қиливатқан фонд тәрипидин тәсис қилинған  «Әлемнің мейірімді адамы» медалини тапшурди. Конференция ахирида ҖУЭМ рәһбәрлиги җәмийәтлик ишларда паалийәтчанлиқ көрсәткән бир топ мәдәнийитимизниң җанкөйәрлиригә Пәхрий ярлиқларни тапшурди.

Бәхтишат СОПИЕВ.

Сүрәтләрдә:1. Президиумдин көрүнүш. 2. Ә.Нурманов Ә.Әхмәтоваға медаль тапшуруватиду.