- Һасан-һүсән
- 10 Қаңтар, 2014
Балилиғим жүрәктә
Балилиқ чағ — «Мөкүшмәкләр», «Ағча айлам»,
«Ақ терәкләр», «Қоғлашмақлар», «Бәш таш» һәм.
Һәммимизниң есидиғу балилиқ,
Унтулмайду өтмүштики есил дәм!..
Жутни ташлап яқа йәргә кәткәндә,
Мусапир боп нәләрдидур жүргәндә.
Ихтиярсиз көз алдиңға келиду,
Балилиғиң өз кочаңдин өткәндә.
Суни кечип, чуқиришип һәммимиз,
Қоғлишаттуқ биримизни биримиз.
Биллә күлүп өстәң бойлап жүгришип,
Жиқилаттуқ, пайлимастин, сүрүп тиз.
Балилиғим турар көзүм алдида,
Коча, өстәң һәммиси өз җайида.
Қулиғимға сиңип кәткән достларниң,
Авазлири аңлиниду гайида.
Балилиқ чағ... «Мөкүшмәкләр», «Ағча айлам»,
Сеғиндурар, амма янмас һеч кимгә.
Шат күлкиләр, өтмүштики есил дәм,
Жүригимдә сақлиниду мәңгүгә!
Гүлнарәм ИБРАГИМОВА.
Панфилов наһийәси.
280 рет
көрсетілді0
пікір