• Йеңилиқлар
• 16 Қаңтар, 2014

Сүпәтлик вә өз қәрәлидә орунлансун

Өткән җүмә күни Һөкүмәт өйидә Премьер-Министр Серик Ахметов Дөләт рәһбири Һөкүмәтниң 2013-жили 11-октябрьда болуп өткән кәңәйтилгән мәҗлисидә бәргән тапшурмиларни әмәлгә ашуруш мәсилилиригә беғишланған кеңәшмә өткүзди.Ихтисат вә бюджетни планлаш министри Ерболат Досаевниң доклад қилишичә, 2013-жили Чарә-тәдбирләр планиниң көздә тутулған барлиқ пунктлири орунланған. У йошурун ихтисатқа қарши туруш бойичә комплекслиқ планни қошумчә ишләш керәклиги тоғрилиқ хәвәрдар қилди, дөләт башқуруш дәриҗилири оттурисидики вакаләтләрни бөлүш, хусусийлаштурушниң иккинчи долқуни даирисидә карханилар билән объектларниң санини көпәйтиш, тәрәққият институтлириниң, пенсия фондлириниң, малийә тәшкилатлириниң мәблиғини дөләт-хусусий шериклик лайиһилиригә җәлип қилиш мәсилилири бойичә тәклипләрни оттуриға қойди. Шундақла кеңәшмидә дөләт органлири рәһбәрлириниң әмәлгә ашурулуватқан чарә-тәдбирләр бойичә һесаватлири тиңшалди. Җүмлидин әркин ихтисадий зонилар паалийитиниң нәтиҗидарлиғини ашуруш, йеңи энергетика илмий-тәтқиқат институтлирини қуруш, алкогольлиқ вә наркотикилиқ мәс һалда автомобиль һайдиғанлиғи үчүн җавапкәрликни күчәйтиш, сүпәтлик дәрисликләрни, оқуш-методикилиқ вә илмий әдәбиятни тәйярлаш тоғрилиқ сөз болди. — Дөләт рәһбириниң барлиқ тапшурмилири сүпәтлик һәм өз қәрәлидә орунлиниши керәк. Бу мәсилидә шәклән яндишишқа йол қоюлмайду. Шуңлашқа һәрбир дөләт оргини, һәрбир рәһбәр барлиқ тапшурмиларни әмәлгә ашуруш механизмлирини йәнә бир қетим қарап чиқиши шәрт. Биз бу мәсилиләрни қарашни мунтәзим рәвиштә давамлаштуримиз, — дәп хуласилиди Серик Ахметов.