• Спорт
  • 16 Қаңтар, 2012

Турнир ғалиби — баһарлиқ волейболчилар

Өткән һәптидә Алмута шәһиридики М.Яқупов намидики 101-мәктәп-гимназияниң спорт залида «Бирлик» җәмийәтлик фондиниң уюштуруши вә Қазақстан хәлқи Ассамблеясиниң қоллап-қувәтлиши билән уйғур тилида билим еливатқан оқуғучилар арисида волейбол бойичә җумһурийәтлик турнир өткүзүлди. Мәзкүр мусабиқиға Уйғур, Панфилов, Әмгәкчиқазақ, Талғир наһийәлиридики вә Алмута шәһиридики уйғур мәктәплириниң оқуғучилири арисида болуп өткән таллавелиш турнирлирида ғалип чиққан алтә команда қатнишиши керәк еди. Амма, немишкиду, Панфилов наһийәсидә өткән мусабиқида І орунни егилигән А.Розибақиев намидики Пәнҗим оттура мәктивиниң командиси җумһурийәтлик турнирға қатнашмиди. Мусабиқиниң ечилишиға беғишланған тәнтәнидә «БеНТ» акционерлиқ җәмийитиниң президенти Дилмурат Кузиев вә Турғанҗан Розахунов сөзгә чиқип, өзлириниң иллиқ тиләклирини изһар қилди вә турнир қатнашқучилириға ақ йол тилиди. Учришишлар наһайити қизиқ вә кәскин күрәш шараитида өтти. Униң йәкүни бойичә Уйғур наһийәси А.Розибақиев намидики Баһар оттура мәктивиниң командиси І орунни егиләп — 120 миң, ІІ орундин көрүнгән Әмгәкчиқазақ наһийәси Маливай оттура мәктивиниң командиси — 90 миң, ІІІ орунни егилигән Әмгәкчиқазақ наһийәси Ө.Муһәммәдий намидики Ават оттура мәктивиниң командиси — 50 миң вә ІV орунға муйәссәр болған Алмута шәһиридики 89-рус-уйғур оттура мәктивиниң командиси 40 миң тәңгә миқдарида мукапатқа еришти. Мусабиқида өзлириниң маһарити билән көзгә чүшкән айрим оюнчиларму қуруқ қол қалмиди. Турнирниң ахирида сөзгә чиққан «Бирлик» фондиниң президенти Адилҗан Зәйнавдун мәзкүр чарә-тәдбирни уюштурушқа паал қатнашқан фонд әзалириға, судъялар билән мәшиқләндүргүчиләргә вә 101-мәктәп-гимназияниң мудири Хуршидәм Ниязоваға сәмимий миннәтдарлиғини изһар қилип, маддий соғилирини тапшурди. Шәмшидин АЮПОВ. Алмута шәһири. СҮРӘТТӘ: мусабиқә ғалиби — А.Розибақиев намидики Баһар оттура мәктивиниң командиси.

530 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы