• Һасан-һүсән
  • 13 Сәуір, 2012

«Ким болғум келиду?»

Дәсләп, ана мәктивимниң босуғисини атлап киргәндә, математика пәнигә қизиқип қалдим. Чүнки математика — «Пәнләр падишаси». Шуңлашқиму мән келәчәктә математика пәниниң муәллими болғум келиду. Шуниң билән биллә кәлгүсидә мәктәпни вә алий оқуш орунлирини әла баһалар билән пүтирип, математика мәктивини ечиш оюм бар. У мәктәптә кичигидин математикиға иштияқ бағлиған балиларни һәқсиз оқутсам дәймән...

Мукарәм АДИЛОВА,

Челәк йезисидики А.Розибақиев намидики оттура мәктәпниң 6-синип оқуғучиси.

Әмгәкчиқазақ наһийәси.

***

Мениң арманлирим наһайити нурғун. Шундиму мән келәчәктә дохтур болушни арман қилимән. «Дохтурлар — адәм җениниң инженерлири». Шундақ екән, мәнму чоң болғанда дохтур кәспини егиләп, момамни давалап, униң сәллимаза сақийип кетишигә ярдәмләшсәм, дәймән.

Аминәм ЙОЛДАШЕВА,

Ә.Қастеев намидики оттура мәктәпниң оқуғучиси.

Панфилов наһийәси.

***

Мән һазирчә бирәр кәсипни егиләшни ойлимаптимән. Амма мениң чоң болғанда дадам охшаш алий пәзиләтлик инсан болғум келиду. Ундақ дейишимниң сәвәви, дадам интайин ақ көңүл, мәрт адәм. Раст, дадам, аддий жүргүзгүчи. У алдиға ярдәм сорап кәлгән адәмләрниң һәммисигә чамисиниң йетишичә яхшилиқ қилишқа тиришиду. Һеч кимниң көңлини қалдурмайду. Дадам биз, пәрзәнтлириниң, әң йеқин ғәмхорчиси. Бизниң илтимасимизни һеч қачан рәт қилған әмәс. Биз аилидә бәш бала. Һазирқи заманда мунчә балини беқип өстүрмәкниң оңай әмәслигини яхши чүшинимән. Шуңлашқа ата-анамға ярдәмлишишкә тиришимән. Улар өйдә йоқ болғанда, укилиримға ғәмхорлуқ қилип, уларни хошал қилғум келиду. Дадам һеч қачан бизниң көңлимизни ағритқан әмәс. Мән дуниядики барлиқ атиларниң мениң дадам охшаш меһриван, көйүмчан болғинини истәймән.

Камиләм РУСТӘМ,

Ақтам оттура мәктивиниң

6-синип оқуғучиси.

Уйғур наһийәси.

606 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы