• Йеңилиқлар
• 28 Наурыз, 2014

Раст-ялғини арилаш

Әгәр сиз ихтисадий қийинчилиқ зәрдавини тартиватқан болсиңиз, сиздинму начар туруватқанларниң турмушиға қараң, дәрру йениклишип қалисиз. *** Әгәр сиз қейинаниңизға яхши көрүнимән десиңиз, униң көзигә көрүнмәскә тиришиң. *** Яркәнтлик бир тиҗарәтчи Өсәк дәриясини орманлири билән қошупла сетивапту. Һазир дәм алғучиларға дәрәқләрниң көләңгүсини иҗаригә бериветиптәк. *** Ғалҗатлиқ бир ашпәз узунлуғи жигирмә икки метр келидиған ләңмән созуп, Гиннессниң Рекордлар китавиға кирипту. Һазир уни асидиған қулақ издәп жүргидәк. *** Растму-ялғанму билмидим, «Қорамлиқ бир дехан адәм ғуличи йәтмәйдиған кависини оттуридин бөлүптекән ичидин қол астида ишләветип йоқап кәткән бир қирғиз чиқипту», дегәнни аңлидим. *** «Авал тоху пәйда болғанму, тухумму» дегән соалниң җавави тепилипту: авал қуш фабрикилири пәйда болған, андин тоху, тухумлар. *** Исмини аташни халимиған бир алмутилиқ тиҗарәтчи һава райини молҗалаш мәркизигә һарарәтни өлчәйдиған әсвап соға қипту, әнди худайим буйриса, һава райи тоғрилиқ тоғра мәлумат аңлайдиған болимиз. *** Яркәнтлик Мәхсүм төрә Россиягә берип үзүм сетип кәлгәндин кейин, аридин тоғра тоққуз ай өтүп, Максим Галкин туғулған. Шуңлашқа төрәмниң һөрмитигә униң исмини «Максим» дәп қойған. *** Гитарини әсли уйғурлар кәшип қилған. Мәсилән, дутар, саттар, хуштар — һәммисидә «тар» ибариси бар. Караоке һәм уйғурларниң. Әслидә «караоке» әмәс, қара, оқи. Шавкәт НӘЗӘРОВ.