• Һасан-һүсән
  • 10 Сәуір, 2014

Келәчигидин үмүтләндүриду

Алмута шәһириниң «Айнабулақ-3» микрорайонида истиқамәт қиливатқан жутдашлиримиз Шәмил вә Адаләт Тайировларниң оғли Әзимҗан тәңтушлиридин бөләкчә қабилийити билән пәриқлиниду. Шәһәрдики 110-мәктәп-гимназияниң мәктәп алди тәйярлиқ синипида билим еливатқан гөдәкниң мүҗәзи юмшақ, жугач һәм қәғишлигиму йоқ. Униң бир алаһидилиги — дуния әллириниң байрақлири билән чегарилирини хатириси бойичә сизишни бәк яқтуридекән. — Икки йешида оғлум барлиқ автомобильларниң маркисини пәриқ қилатти, — дәйду Шәмил. – Үч вә төрт яшлар арилиғида у сәйяриларни,  қитъәләрни, дуния дөләтлири билән уларда яшаватқан милләтләр, уларниң сани вә рәһбәрлириниң исимлирини ядқа ейтидиған болди. Балилар бағчисиға бираз вақитла барди. Чүнки, арилиқта ағрип, шуниң баниси билән бағчиғиму бармайдиған болди. Андин бағчә муһитиға өзиму қизиқип кәтмиди. Оқушқа қизиқиши үстүн болғачқа, йезиш вә оқушни өйдила үгәттуқ. Астрономия вә математикиға көп қизиқиду. Әнди географиягә болған һәвәси бөләкчә. Глобусни  зерикмәйла үгиниду. Бирақ, оғлумниң бу қабилийити һәққидә җар селишни яқтурмаймән. Мүмкин, бу вақитлиқ һадисиду, ким билиду? Шәмилниң ейтишичә, аниси Хеличәм Сасиқова Ғалҗат оттура мәктивидә география пәниниң муәллими болуп ишлигән екән. Шуңлашқа у оғлиниң мәрһум момисиға тартқанмекин дәп ойлайду. География пәнини чоңқур үгиниватқан оғлиниң техи оюн балиси екәнлигини тәкитлигән ата-аниси  Әзимҗанға һазирчә мәктәп программисидин ташқири билимниң һаҗәтсиз екәнлигини ейтишиду. Сәвәви, униң келәчиги техи алдида. Амма, мәктәптә әла баһаға оқуватқан гөдәкниң ихтидарини байқиған муәллимләрниң пикричә, Әзимҗанни қабилийәтлик балилар билим алидиған мәхсус мәктәптә оқутуш лазим. Чүнки, униң билим вә қабилийәт дәриҗиси өз тәңтушлиридин бирнәччә һәссә жуқури. Өз новитидә биз Әзимҗанниң келәчәктә хәлқимизниң арзулуқ оғланлири сепидин көрүнүшигә тиләкдашмиз.  Махмут ИСРАПИЛОВ.

223 рет

көрсетілді

0

пікір
Алдыңғы мақала Әссалам, мениң кичик достлирим!
Келесі мақала Беғубар балилар садаси

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

23 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы