• Концерт
  • 10 Сәуір, 2014

Чин муһәббәт сизгә һәмра, Ана

Йеқинда Қ.Ғоҗамияров җумһурийәтлик Уйғур театрида җумһурийәтлик Уйғур этномәдәнийәт мәркизи вә Алмута шәһәрлик Уйғур этномәдәнийәт мәркизиниң уюштуруши һәм  «Аламәт» продюсерлиқ мәркизи, «Бирлик» җәмийәтлик фонди, «Нураний Анилар» кеңиши, «Җанан» ханим-қизлар клуби вә «Анилар» фондлириниң қоллап-қувәтлиши билән «Ана сәһра, ана сәһра, чин муһәббәт сизгә һәмра» намлиқ концерт болуп өтти.Тәбиәт ойғинип, йәр-җаһан гүлләргә оранған баһар пәслиниң бу күни театр бенасиға Алмута шәһири вә Алмута вилайитиниң бирқанчә наһийәлиридә яшаватқан, һәрхил саһалар вә йөнилишләр бойичә паалийәт елип бериватқан анилар билән ханим-қизлар жиғилди. Концерт башлиништин илгири, АШУЭМ рәиси Абдуллам Һошуров сөз елип, жумһурийәт миқиясида, болупму Алмута шәһири вә Алмута вилайитидики җәмийәтлик тәшкилатларни башқуруватқан аялларни сәһнә төригә тәклип қилип, уларни көпчиликкә тонуштурди. Андин сөз новитини алған натиқлар, җүмлидин театр мудири Савутҗан Сонуров, ҖУЭМниң иҗраий мудири Зихруллам Қурванбақиев, ҖУЭМ йенидики Ханим-қизлар кеңишиниң рәиси Сәнәм Беширова вә АШУЭМ рәисиниң биринчи орунбасари Гүлзарәм Илиясова аләмдики һәммә яхшилиқларниң сәвәпчиси болған анилиримизға иллиқ вә сәмимий тиләклирини билдүрди. Шуниңдин кейин «Аламәт» продюсерлиқ мәркизиниң продюсери Қәлбинур Аруп сәһнигә Қазақстан хәлиқ артисти Гүлвира Разиевани тәклип қилди. Андин атақлиқ сәнъәткарлар — Қазақстан хәлиқ артисти Нурбүви Мәмәтова, «Нава» ансамблиниң артисти Толунай Әйсарова тамашибинларға йеқимлиқ нахшилирини тәғдим қилса, күлкә маһирлири Махмут Дәраев, Руқийәм Саттарова вә Реһангүл Мәхпировалар «Бойдақ» миниатюрисини орунлап,  аниларға хушвақ дәмләрни беғишлиди. Концерт җәриянида тонулған эстрада нахшичиси Артур Илахунов, йеқинда Алмута шәһиридә болуп өткән «Өрлә, сәнъәткар» фестивалиниң ғалиби Меһрат Рәхмәтҗан, Байсейит йезисидин кәлгән Тайировларниң аиливий  ансамбли иҗра қилған нахшилар, М.Яқупов намидики 101-мәктәп-гимназияниң 1-синип оқуғучилири анилар һәққидә оқуған шеирлар тамашибинларға мәйрәмлик кәйпият һәдийә қилди. Концерт ахирида «Нур» диний мәдрисисиниң мудәрриси Патимәм һаҗим сөзгә чиқип, кейинки вақитларда алаһидә паалийәтчанлиқ көрситиватқан Ханим-қизлар кеңишиниң рәиси Сәнәм Бешированиң ишиға утуқ тилиди. Мәшүр САСИҚОВ.

290 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

03 Наурыз, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы