• Йеңилиқлар
• 17 Сәуір, 2014

Қазақстан Җумһурийити Президентиниң Пәрмани

«Қазақстан Җумһурийитиниң наһийәлик әһмийәткә егә шәһәрлири, йеза округлири, йеза округиниң тәркивигә кирмәйдиған поселкилар вә йезилар һакимлириниң сайлимини өткүзүшниң бирқатар мәсилилири тоғрилиқ» Қазақстан Җумһурийити Президентиниң 2013-жил 24-апрельдики №555-Пәрманиға өзгиришләр билән қошумчиларни киргүзүш тоғрилиқ «Қазақстан Җумһурийитиниң Президенти тоғрилиқ» 1995-жил 26-декабрьдики Қазақстан Җумһурийити Конституциялик қануниниң 17-маддисиниң 4-1) қошумчә пунктиға мувапиқ тохтам қилимән: 1. «Қазақстан Җумһурийитиниң наһийәлик әһмийәткә егә шәһәрлири, йеза округлири, йеза округиниң тәркивигә кирмәйдиған поселкилар вә йезилар һакимлириниң сайлимини өткүзүшниң бирқатар мәсилилири тоғрилиқ» Қазақстан Җумһурийити Президентиниң 2013-жил 24-апрельдики №555-Пәрманиға» (Қазақстан Җумһурийити ПҺҺТ, 2013-ж., №28, 424-б.) төвәндики өзгиришләр билән қошумчилар киргүзүлсун: Жуқурида аталған Пәрман билән тәстиқләнгән Қазақстан Җумһурийитиниң наһийәлик әһмийәткә егә шәһәрлириниң, йеза округлириниң, йеза округиниң тәркивигә кирмәйдиған поселкиларниң вә йезилириниң һакимлирини лавазимиға сайлаш, вакалитини тохтитиш вә лавазимидин бошитиш қаидилиридә: 8-пункт төвәндики редакциядә баян қилинсун: «8. Вилайәтлик, наһийәлик (шәһәрлик) сайлам комиссиялири һакимларниң сайлимиға тәйярлиқ көрүшни вә уни өткүзүшни уюштуридиған сайлам органлири болуп һесаплиниду.»; төвәндики мәзмундики 8-1 пункти билән толуқтурулсун: «8-1. Вилайәтлик сайлам комиссияси: 1) мәмурий-территориялик бирлик территориясидә сайлам тоғрилиқ қанунниң орунлиниши үстидин назарәтни әмәлгә ашуриду; 2) төвән турған территориялик сайлам комиссиялириниң паалийитигә рәһбәрлик қилиду; уларниң қарарлирини күчидин қалдуриду вә тохтитиду; уларниң арисида сайлам кампаниясини жүргүзүш үчүн аҗритилған дөләт мәблиғини тәхсим қилиду; төвән турған сайлам комиссиялириниң паалийити үчүн зөрүр маддий-техникилиқ шараитниң яритилишини назарәт қилиду; төвән турған сайлам комиссиялириниң қарарлириға вә һәрикәтлиригә (һәрикәтсизлигигә) мунасивәтлик әризә вә шикайәтләрни қарайду; тегишлик мәмурий-территориялик бирлик даирисидә қурулуп, төвән турған территориялик сайлам комиссиялириниң Мәркизий сайлам комиссиясиниң қарарлирини орунлишини уюштуриду; 3) сайлам комиссиялириниң, дөләт органлириниң вә тәшкилатларниң сайламға тәйярлиқ көрүшкә һәм өткүзүшкә бағлиқ мәсилиләр бойичә һесаватлирини, шундақла җәмийәтлик бирләшмиләр органлириниң сайлам тоғрилиқ қанунға риайә қилиш мәсилилири бойичә әхбаратлирини тиңшаш һоқуқиға егә; 4) «Қазақстан Җуһурийитидики сайлам тоғрилиқ» 1995-жил 28-сентябрьдики Қазақстан Җумһурийитиниң Конституциялик қануниға мувапиқ башқа вакаләтләрни әмәлгә ашуриду.»; 9-пунктниң 1) қошумчә пункти төвәндики редакциядә баян қилинсун; «1) һакимларниң сайлимини бәлгүләйду вә уларниң өткүзүлүшини тәминләйду;»; 13-пункт төвәндики мәзмундики иккинчи қисим билән толуқтурулсун: «Йәрлик бирләшмә билән мәслиһәтләр тегишлик наһийәлик (шәһәрлик) сайлам комиссияси бәлгүлигән пәйттин тартип жүргүзүлиду.»; төвәндики мәзмундики 14-1 пункт билән толуқтурулсун: «14-1. Наһийә (шәһәр) һакими һакимлиққа намзатларни көрситиш тоғрилиқ тәвсийәсини наһийәлик (шәһәрлик) сайлам комиссиясидин аваз беришкә кам дегәндә икки күн қалғанда қайтурувелиши мүмкин. Бу әһвалда тегишлик наһийәлик (шәһәрлик) сайлам комиссияси намзатни ройхәткә алмайду яки намзатниң ройхәткә елинғанлиғи тоғрилиқ қарарни күчидин қалдуриду вә наһийә (шәһәр) һакимини қобул қилинған қарар тоғрилиқ хәвәрдар қилиду.»; 40-пунктниң иккинчи қисминиң 1) қошумчә пункти төвәндики редакциядә баян қилинсун: «1) сайлам комиссиялирини уюштурушқа вә паалийитигә: Сайлам комиссиялири әзалириниң иш һәққи; иш һәққини һесаплап қошуш; техникилиқ тәминләш (компьютерларни, уюштуруш техникисини сетивелиш, җабдуқларни иҗаригә елиш вә җабдуқларға техникилиқ хизмәт көрситиш, шундақла аваз бериш үчүн қурал-җабдуқларни сетивелиш вә тәйярлаш); транспорт хираҗәтлири; аммивий әхбарат васитилиридә елан қилиш; алақә хизмити, почта-телеграф хираҗәтлири; полиграфия хираҗәтлири; идарә вә егилик товарлирини, шиарлар үчүн материалларни, плакатларни, дөләт рәмзлирини сетивелиш;»; 45-пункт төвәндики редакциядә баян қилинсун: «45. Қазақстан Җумһурийитиниң наһийәлик әһмийәткә егә шәһәрлири, йеза округлири, йеза округиниң тәркивигә кирмәйдиған поселкилар вә йезилар һакимлириниң сайлимини Қазақстан Җумһурийитиниң тегишлик наһийәлик (шәһәрлик) сайлам комиссияси һаким вакалитиниң қәрәли аяқлашқичә кам дегәндә қириқ бәш күн қалғанда бәлгүләйду. Һаким вакалити қәрәлидин илгири аяқлашқан әһвалда сайлам вакаләт қәрәлидин илгири түгигәндин кейин үч ай мабайнида өткүзүлиду.»; 46-пункт төвәндики редакциядә баян қилинсун: «46. Һакимлар сайлимида аваз бериш вә сайлам йәкүнлирини ениқлаш «Қазақстан Җумһурийитидики сайлам тоғрилиқ» 1995-жил 28-сентябрьдики Қазақстан Җумһурийитиниң Конституциялик қанунида бәлгүләнгән сайлам процедурилириға мувапиқ, мошу Қаидиләрниң 46-1 пунктида бәлгүләнгән алаһидиликләрни һесапқа алған һалда әмәлгә ашурулиду.»; 46-1 пункт төвәндики мәзмунда толуқтурулсун: 46-1. Сайлиғучи вәкилләрниң авазлири тәң болған әһвалда, тәкрар аваз бериш өткүзүлиду. Тәкрар аваз бериш сайлам күни өткүзүлиду.»; 55-пункт төвәндики редакциядә баян қилинсун: 55. Әгәр сайлам ярамсиз дәп етирап қилинса яки тәкрар аваз бериш сайланған намзатни ениқлаш имканийитини бәрмисә, наһийәлик (шәһәрлик) сайлам комиссияси тәкрар сайлам өткүзүш тоғрилиқ қарар қобул қилиду.»; 60-пункт төвәндики редакциядә баян қилинсун: «60. Вилайәтлик, наһийәлик (шәһәрлик) сайлам комиссияси сайлиғучи вәкилләр тизимлирини түзүш қаидилири, аваз бериш вә авазларни санаш, сайлам йәкүнлирини ениқлаш тәртиви бузулған, мошу Қаидиләр башқичә бузулғанда, әгәр бу иш-һәрикәтләр сайлиғучи вәкилләрниң өз хаһишини билдүрүш нәтиҗилирини тоғра ениқлашқа мүмкинчилик бәрмисә, һакимлар сайлимини ярамсиз дәп етирап қилиду.». 2. Мошу Пәрман имзаланған күндин тартип күчигә кириду.

Қазақстан Җумһурийитиниң Президенти Н.НАЗАРБАЕВ.

Астана, Ақорда, 2014-жил, 9-апрель. №792 Қазақстан Җумһурийити Президентиниң Пәрмани Қазақстан Җумһурийитиниң Президенти йеңидики Қазақстан Стратегиялик тәтқиқатлар институтини Астана  шәһиригә көчириш тоғрилиқ Дөләт тәрәққиятиниң стратегиялик аспектлирини тәхмин-аналитикилиқ җәһәттин тәминләшни техиму мукәммәлләштүрүш мәхситидә тохтам қилимән: 1. Қазақстан Җумһурийитиниң Һөкүмити «Қазақстан Җумһурийитиниң Президенти йенидики Қазақстан Стратегиялик тәтқиқатлар институти» (буниңдин кейин — ҚСТИ) дөләт мәһкимисини Алмута шәһиридин Астана шәһиригә көчиришни тәминлисун. 2. Қазақстан Җумһурийитиниң Һөкүмити мошу Пәрмандин келип чиқидиған башқа чариләрни көрсун. 3. Қазақстан Җумһурийити Президентиниң Иш башқармиси Қазақстан Җумһурийитиниң Малийә министрлиги билән бирликтә Қазақстан Җумһурийитиниң қанунлирида бәлгүләнгән тәртиптә ҚСТИниң Астана шәһиридә орунлишиши үчүн бена бөлүнүшини тәминлисун. 4. Қазақстан Җумһурийити Президентиниң 1997-жил 13-августтики «Қазақстан Җумһурийитиниң Президенти йенидики Қазақстан Стратегиялик тәтқиқатлар институтини тәсис қилиш тоғрилиқ» №3614 Пәрманиға (Қазақстан Җумһурийити ПҺҺТ, 1997-ж., №36, 337-б.; 2008-ж., №20, 182-б.) төвәндики өзгиришләр билән қошумчилар киргүзүлсун: Мошу Пәрман билән тәсис қилинған Қазақстан Җумһурийитиниң Президенти йенидики Қазақстан Стратегиялик тәтқиқатлар институти тоғрилиқ қаидигә: 3-пунктниң иккинчи қисми төвәндики редакциядә баян қилинсун: «Институтниң орунлашқан җайи — Қазақстан Җумһурийити, Астана шәһири.»; 5-пункт абзац билән төвәндики мәзмунда толуқтурулсун: « — Қазақстан Җумһурийити территориясидә өз вакаләтханисини ечиш.». 5. Мошу Пәрманниң орунлиниши үстидин назарәт қилиш Қазақстан Җумһурийити Президентиниң Мәмурийитигә жүкләнсун. 6. Мошу Пәрман имзаланған күндин тартип күчигә кириду.

Қазақстан Җумһурийитиниң Президенти Нурсултан НАЗАРБАЕВ.

Астана, Ақорда 2014-жил, 11-апрель.№793