• Йеңилиқлар
  • 17 Сәуір, 2014

Яхши мунасивәтлиримизниң мевиси

Бу қуруқ сөз яки адәттики махташ әмәс. Һәқиқәтәнму шундақ. Қазақстанда йүздин ошуқ милләт, өзиниң тилини, динини, миллий урпи-адәтлирини сақлап кәлмәктә. Буни, әлвәттә, әң алди билән Президентимизниң дана сәяситиниң нәтижиси десәм, хаталашмаймән. Мәлумки, Әмгәкчиқазақ — вилайәттики көпмилләтлик наһийәләрниң бири. Һәммимиз бир-биримизниң тилини, рәсим-қаидилирини яхши билимиз. Шуңлашқа башқа милләт вәкиллири арисидин кимду-бири әткәнчай ичип, йәнә бири уйғурчә нахша ейтса, һәйран қалмаймиз. Бу бизниң әзәлдин келиватқан достлуғимизниң мевиси, ата – бовидин келиватқан әнъәнә. Әнди биримизниң бешиға күн чүшсә, жүгрәп берип ярдәм қолумизни сунумиз.  Раст, һазир һәммимизниң турмушимиз тәл-төкүз. Әнди бәзибир умумий мәсилиләрдә бир-биримизгә қол учимизни созмисақ болмайду. Әмгәкчиқазақ наһийәлик Уйғур этномәдәнийәт мәркизи бир жилниң ичидә наһийәмиздә өткән айрим мәрасимлардин бөләк, мәдәнийәт очақлириғиму маддий жәһәттин ярдәм көрсәтти.  Җүмлидин Маливай йезисидики мәдәнийәт өйиниң қурулушиға үч йүз миң тәңгә ажраттуқ. Тәшкәнсаз йезисида йеңи мәктәп қәд көтириведи, униңғиму қуруқ қол бармидуқ. Ават йезисидики мәдәнийәт өйиниң бир хадими мәркәзниң һесавиға айлиқ елип ишләватиду. Мундақ мисалларни көпләп кәлтүрүшкә болиду. Мошуниң һәммиси тәвәдики  хәлиқләр бирлигиниң вә иттипақлиқниң мевиси. Келәчәктиму достлуғимиз әйнә шундақ мустәһкәм пети қалиду.

Арселин ЗУЛИЯРОВ,  Әмгәкчиқазақ наһийәлик Уйғур этномәдәнийәт мәркизиниң рәиси.

366 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы