• Йеңилиқлар
  • 15 Мамыр, 2014

«Илғар йеза мәктиви»

Байқаш/ Алмута вилайити һакимийитиниң қоллап-қувәтлиши билән һәр жили өткүзүлүватқан педагогикилиқ байқашларниң бири — «Илғар йеза мәктиви» конкурси. Бийил бу изгү чарә-тәдбир Алмута вилайәтлик билим башқармисиниң уюштуруши билән Талдиқорған шәһиридики 25-оттура мәктәптә өтти. Мәзкүр байқашқа наһийәлик мусабиқиларда илғар дәп тепилған 18 билим дәргаһиниң командиси иштрак қилди. Байқашни вилайәтлик билим башқармиси башлиғиниң орунбасари Майгүл Омарова ечип, мәзкүр чарә-тәдбирниң иҗадий йөнилиштә паалийәт жүргүзүватқан илғар билим дәргаһлирини ениқлап, уларниң илғар иш-тәҗрибисини тәрғип қилиш, йеза мәктивини қоллаш мәхситидә өткүзүлүватқанлиғини тәкитлиди. Шуниңдин кейин байқаш иштракчилири «Өзини-өзи тонуштуруш» вә «Мәктәп моделини қоғдаш» басқучлири бойичә мусабиқиға чүшти. Байқашқа Алмута вилайәтлик билим башқармисиниң башлиғи Жандарбек Далабаев рәһбәрлигидики педагоглар, вилайәтлик методикилиқ кабинети, билим бериш вә пән хадимлири кәспий иттипақиниң Талдиқорған регионлуқ кеңишиниң мутәхәссислири адил қази болди. Улар мәктәп портфолиоси билән тонушуп, байқаш иштракчилириниң маһаритигә баһа бәрди. Байқаш йәкүни бойичә йеңи технологияләрни мәктәптә утуқлуқ пайдилинип, мусапилик оқутуш бойичә чоң утуқларни қолға кәлтүргән, муәллиплик программа түзүштә алдинқи орунлардин көрүнгән Җамбул наһийәсиниң Интимақ йезисидики оттура мәктәп биринчи орунға еришти. Хәлиқара байқаш-көрүкләргә оқуғучиларни тәйярлашта көзгә көрүнгән Сарқан наһийәсиниң Новопокровка оттура мәктиви иккинчи орунни егилиди. Үчинчи орун болса, Талғир наһийәсиниң Қизил Ғәйрәт йезисидики 19-оттура мәктивиниң әнчисигә тәгди.

Гүлнисәм ТОХТИЕВА,

Қизил Ғәйрәт йезисидики 19-оттура мәктәпниң муәллими.

Талғир наһийәси. СҮРӘТТӘ: конкурста үчинчи орунға еришкән 19-оттура мәктәпниң командиси. 

420 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы