• Йеңилиқлар
  • 12 Маусым, 2014

Узун сөзниң қисқиси...

6-айниң 7-күни Америкиниң Вирҗинийә штатидики Меррият меһманханисиниң жиғин залида мәмликәттә яшаватқан уйғур җамаәтчилиги мошу әлдә һөрмәткә сазавәр болған хәлқимизниң алим-мутәхәссислири билән учрашти.Мәзкүр баш қошушта һәр саһада оқуп, ишләп бәлгүлүк нәтиҗиләрни қолға кәлтүргән қериндашлиримиз — исми дунияға даңлиқ биология алими Шөһрәт Мутәллип, дора тәтқиқат бирләшмә идариси рак кесәлликлири тәтқиқат тармиғиниң йетәкчиси, доктор Ришат Аббас, Калифорния штатидики Антилоп Веллей университетиниң математика профессори, доктор Ташполат Рози, Веллис Фарго банкиниң малийә мәслиһәтчиси, доктор Гүлназ Абдуқадир, Юта университети электр инженерлиғи факультетиниң профессори доктор Рәйһан Бәктур қатарлиқ алим-мутәхәссисләр өз саһалири бойичә йеңилиқ-өзгиришләрни, қизиқарлиқ мәлуматларни берип, уйғур яшлирини билим елишқа, илим-пән билән шуғуллинишқа дәвәт қилди. Улар шундақла көпчилик тәрипидин қоюлған соалларға җавап бәрди. www.rfa.org Җуңгода 2014-жиллиқ мәмликәтлик яш-өсмүрләр мәктәп футбол чемпионлуқ лоңқисини (кубогини) талишиш мусабиқиси 5-айниң 30-күнидин башлинип, 6-айниң 2-күнигичә Чиңхәй өлкисиниң Шиниң шәһиридә өтти. Бу қетимқи мусабиқидә Шинҗаң, Чиңхәй, Шәнши, Гәнсу, Җийәңсу қатарлиқ бәш өлкидин, җүмлидин автоном райондики 12 шәһәрдин кәлгән 20 команда оттура мәктәп вә башланғуч мәктәп групписи бойичә күч синашти. Үч күн давам қилған җиддий елишиш нәтиҗисидә башланғуч мәктәп групписи ичидә Қәшқәр шәһәрлик 14-оттура мәктәп командиси, оттура мәктәп групписи ичидә Қәшқәр шәһәрлик 1-оттура мәктәп вә Үрүмчи шәһәрлик 3-оттура мәктәп командилири айрим-айрим һалда чемпионлуққа еришип, автоном районимиздики һәрмилләт хәлқи үчүн шан-шөһрәт кәлтүрди. www.bagdax.cn

344 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы