• Әхбаратлар еқими
  • 31 Шілде, 2014

Мечит йеңиланди

Ғәйрәт йезисидики мусулман әһли үчүн селинған мечит 1995-жили өз ишигини ачқан еди. Һәрхил жилларда униңда һели мәрһум Мәрүп Баситов, Турсун Идрисов, Зерип Садиров имамлиқ қилған. Арилиқтин бир жил кам жигирмә жил өтүпту. Тәбиәтниң иссиқ-соғида мечитниң теши конирап, Алланиң муқәддәс өйини җөндәш ишлирини қолға елиш һаҗәт болди. Бу халисанә ишқа өткәндә Кеңәш Иттипақиниң Қәһримани Мәсим Яқуповниң хатирисигә беғишланған футбол турнирида ғалип чиққан И.Саттаров намидики оқуғучилар командиси әнчисигә тәккән 300 миң тәңгә ианә қилинди. Шундақла хошна Челәк йезисиниң турғуни Турсун қарим Қәмирдиновниң оғуллири Камалдин вә Данияр Қәмирдиновлар һамийлиқ қилди. Шундақ қилип, Рамзан һейти мәйрими күни йеза хәлқи йеңиланған мечитта намаз оқуди. Имам Кәримҗан Йәһияров намаздин кейин ушбу қутлуқ ишқа йеқиндин ярдәмләшкән бирқатар шәхсләргә, болупму жигитбеши Мөһидин Турғанов, Ғәйрәт йезилиқ Ханим-қизлар кеңишиниң рәиси Зәйтүнәм Турданова, жутниң паалийәтчан яшлири Ришат Турғанов, Арман Мүсәлимов, Сабир Мустафаев, Әзизҗан Мәрүпов, Ришат Имрәмзиев, Шавкәт Мирзақулов, Бәхтишат Османов, Ришат Ғаппаров, Надир Пәхирдинов, Сидиқ Садиров, Расул Турсунов кәби яшларға миннәтдарлиқ билдүрүп, дуа-тилавәт қилди. Ахирида әрвалар роһиға атап,  нәзир берилди.

Абдулҗан

АЗНИБАҚИЕВ.

Әмгәкчиқазақ наһийәси.

268 рет

көрсетілді

2

пікір
Алдыңғы мақала Төртиниң үчи қалди
Келесі мақала Балиларниң көңлини көтәрди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

азиз

14 Тамыз, 2020

абдулжаннин макалилирини, болупму унин тогрилик нургун яхши инкасларни анлап журиман. бирак йекиндин тонуш амасман. дайим яхши хаварларни, асасан ана жути тогрилик хаварларни йаткузуп туриши унин миллатпарварлигидин дерак барса керак. шеирлиринима окугиним бар. умуман алганда, келачигидин зор умутларнир куткизидиган халкимизнин пахирлик жигитлиридин болушига ишиниман. амал болса унин тогрилик йекиндин еник малуматларни беришинларни сориган болар едим.

Индира

14 Тамыз, 2020

Абдулжанни студентлик чагдин яхши билиман. конли очук, дайим хушхой, сумбатлик жигит. уйғур десә, ичиваткан чейини унутуп калатти. мана аридин 7-8 жил отуту, корушмигили. кейинки һаяти кизиктуриду бизни (студент чагдики барлик кизлар). униң материаллирини гезит-журналдин, интернет бәтлиридинла учритип жүримиз. келачиги бар жигит. әгәрдә бу хетимизни абдулжан өзәң окуган болсаң, әһвалиң қандақ, ишлар? МИрАС топин билән йетиваткан утуклиринни коруватимиз. Йезиваткан материал вә шеирлириңни окуп бәһир еливатимиз. Ярайсән кериндаш. мошундак кал!.

Уйғур авази

30 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы