• Әхбаратлар еқими
• 07 Тамыз, 2014

«Самруқ-Қазына» өзгиришләр һарписида

Президент Нурсултан Назарбаев «Самруқ-Қазына» миллий паравәнлик фонди» акционерлиқ җәмийити башқармисиниң рәиси Өмирзақ Шөкеевни қобул қилди.Учришишта Өмирзақ Шөкеев «Самруқ-Қазына» МПФ акционерлиқ җәмийитиниң ширкәтләр топидики өзгиришләр программисиға тәйярлиқ көрүшниң кетип бериши тоғрилиқ доклад қилди. Нурсултан Назарбаев «Самруқ Қазынаниң» елимиз ихтисадиниң әң көп активиға егә чоң ширкәт болуп һесаплинидиғанлиғини тәкитлиди. —            Барлиқ дөләт ишләпчиқириш ширкәтлири фондниң қармиғида, шуңлашқа униң вәзиписи уларни корпоративлиқ башқурушни яхшилаштин, активлар баһасини ашуруштин ибарәт. Илгәрки аләмшумул боһран вақтида банкларни қоллап-қувәтләш бойичә чоң иш әмәлгә ашурулди вә фондқа уларниң акционерлириниң тәркивигә киришкә тоғра кәлди. Һазир «Самруқ-Қазына» банклар капиталидин чиқти вә әнди у, ишләпчиқириш ширкәтлиригә инвестицияләрни җәлип қилишни, мәһсулатниң йеңи түрлирини өзләштүрүшни, йеңи технологияләрни җарий қилишни қошуп һесаплиғанда, өзиниң беваситә паалийитигә диққәт бөлүши зөрүр, — дәп тәкитлиди Президент. Өз новитидә Өмирзақ Шөкеев фондни өзгәртиш программисиниң төрт асаслиқ йөнилишиниң: корпоративлиқ башқуруш; бизнес- җәриянларни стандартлаштуруш вә оптималлаштуруш; башқуруш вә бизнес-қарарларниң бирпүтүн әхбарат системисини вуҗутқа кәлтүрүш; барлиқ ширкәтләр топлири бойичә турақлиқ мукәммәллишиш мәдәнийитини шәкилләндүрүш йөнилишлириниң бәлгүләнгәнлигини тәкитлиди.