- Йеңилиқлар
- 25 Қыркүйек, 2014
Яшанғанлар һәққидә қанатлиқ гәпләр
Адәмниң тени қерисиму, көңли қеримайдекән. Бәзидә нәвриләр билән ойнап, нәвриләрдин рәнҗип қалисән.
***
Адәм қериғанда өйигила әмәс, дунияғиму сиғмай қалидекән.
***
Қериғанда олтарсаң, олтарди дәйду,
Ишләй десәң, чамиң йоқ.
Сөзлисәң чепилди дәйду,
Чепилмасқа чарә йоқ.
***
Яш чағларда ишләп жүрүп көтирәттуқ еғир жүк,
Қериғанда болуп қалмисақкән балиларға жүк.
***
Қериғанда аялларниң йешини, әрләрниң күчини сорима, ейтса ишәнмә. Аяллар кам ейтиду, әрләр ашуруп ейтиду.
***
Қериғанда аз нәрсигә рази болуп, йоқ нәрсигә рәнҗип қалидекәнсән.
***
Өлүмни ойлиғанлар намазни ташлимайду.
Өлүмни ойлимиғанлар намазни башлимайду.
***
Яш чағларда шәһәрдә яшап, шәһәрдә ишлигүмиз келәтти. Қериғанда йезида яшап, жутта өлгимиз келиватиду.
***
Алла аз бәрсә, ач қалимән дәп қорқма. Сәвир қил. Көп бәрсә, көтирәләймәнму дәп қорққин. Шүкри қил.
***
Балилириңлар силәр өлгәндә «Яхши бақалмидим», дәп зарлимисун. Силәр һаят вақтиңларда «Яхши бақалмайватимән», дәп жиғлисун.
***
Я Алла! Дөләт бәрсәң, қериғанда бәргәйсән! Әл-жутниң, бала-чақиниң алдида аброй һәм иман ейтип кетишкә несип әйлигәйсән! Қериғанда буниңдин артуқ дөләт, байлиқ, арман йоқ. Амин!
Топлиған Иминҗан ҺӘМРАЕВ.
Алмута шәһири.
464 рет
көрсетілді0
пікір