• Йеңилиқлар
  • 02 Қазан, 2014

Миллий мәркәзләр мәйрими

Сешәнбә күни Алмутидики Җумһурийәт сарийида буниңдин чарәк әсир илгири қурулуп, паалийәт елип бериватқан этномәдәнийәт мәркәзлири өзлириниң 25 жиллиқ мәйримини дағдуғилиқ атап өтти. Мәрасим жумһурийәт сарийиниң фойесидики этномәдәнийәт мәркәзлири тәрипидин тәйярланған көргәзмиләрни зиярәт қилиштин башлинип, рәсмий жиғин залда давамлашти. Дәсләпки тәбрик сөз Алмута шәһириниң һакими Ахметжан Есимовқа берилди. — Тохсининчи жилларниң башлири Алмутида санақлиқла мәдәнийәт мәркәзлири моҗут еди, — дәп сөзини башлиди һаким. — Бу елимиздики һәрхил милләтләрниң урпи-адәт, рәсим-қаидилири, әң әвзили, өз ана тилини сақлап қелишиға асасий күч болди, дәп ишәшлик ейталаймән. Елимиз өз мустәқиллигини алғандин кейин елимиз Президенти — Милләт Лидери Нурсултан Назарбаев азсанлиқ милләтләрниң бешини қошидиған Қазақстан хәлқи Ассамблеяси намлиқ надир институтни тәшкил қилип, хаталашмиған екән. Һазир әйнә шу институтниң арқисида жумһурийәттики 130дин ошуқ милләтниң беши қошулуп, иҗил-инақ һаят кәчүрмәктә. Бу бизниң чоң утуғимиз. Бүгүнки күндә жәнубий пайтәхттә 35 этномәдәнийәт мәркизи, 5 миллий театр, 12 йәкшәнбилик мәктәп, 8 миллий гезит паалийәт елип бериватиду. Өз новитидә Ахметжан Смағул оғли этномәдәнийәт мәркәзлириниң рәһбәрлирини пәхрий ярлиқ вә хатирә соғилар билән рәғбәтләндүрди. Уларниң ичидә Алмута шәһәрлик Уйғур этномәдәнийәт мәркизиниң рәиси, ҚХА әзаси Абдуллам Һошуровму бар. Шуниңдин кейин Қазақстан хәлқи Ассамблеяси Рәисиниң орунбасари — Қазақстан Җумһурийити Президенти Мәмурийитиниң Қазақстан хәлқи Ассамблеяси Кативатиниң мудири Ералы Тоғжанов этномәдәнийәт мәркәзлирини шанлиқ мәйрими билән сәмимий тәбриклиди. Тәбрик сөзләрниң ахири концертлиқ программиға улашти.  Бәхтишат СОПИЕВ.  Муәллип чүшәргән сүрәт.

411 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы