• Әхбаратлар еқими
  • 23 Қазан, 2014

Талғирға газ кәлди

Хуш хәвәр/ Йеқинда Алмута вилайитиниң Талғир наһийәсидә «Алмута — Байсерке — Талғир» магистральлиқ газ проводи ишқа қошулди. Наһийә аһалисини чоң хошаллиққа бөлигән чарә-тәдбиргә вилайәт һакими Амандық Баталов, «ҚазТрансГаз» акционерлиқ җәмийитиниң баш мудири Серик Султанғали, Қазақстан Җумһурийити Парламентиниң депутатлири Әлихан Тойбаев, Николай Логутов қатнашти. «Алмута — Байсерке — Талғир» газ проводини селиш» инвестициялик лаһийиси Дөләт рәһбириниң Мәктүбидә әкис әткән тапшурмиларни вә Алмута вилайитини газ билән тәминләш программисини әмәлгә ашуруш даирисидә селинди. Жилиға 2,4 миллиард кубометр газ әвәтидиған провод 380 миң адәмгә йеқин аһалиси бар 60тин ошуқ аһалилиқ пунктни газ билән тәминләш имканийитини бериду. Узунлуғи 64,4 километрни тәшкил қилидиған «Алмута — Байсерке — Талғир» магистральлиқ газ проводиниң қурулуши 2010-жили башлинип, умумий баһаси 7,8 миллиард тәңгини тәшкил қилди. Шундақ қилип, Талғирдики газ әвәтиш тармиғиниң ишқа қошулуши арқилиқ үстимиздики жилниң ахириғичә Талғир шәһири, Өтеген батыр, Байсерке, Покровка вә мошу әтраптики башқа йезиларғиму газ йәткүзүлиду. Умумән, вилайәт қаримиғидики аһалилиқ пунктларни газ билән тәминләш ишлири бирнәччә йөнилиш бойичә жүргүзүлүватиду. Мәсилән, Алмута — Байсерке — Талғир бойичә тартилидиған газ проводи, Байсеркедин Қапчиғай шәһиригә тартилидиған провод вә Қазақстан — Хитай магистрали арқилиқ тартилидиған газ проводи түпәйли Әмгәкчиқазақ, Уйғур вә Панфилов наһийәлириниң аһалилиқ пунктлирини һаварәң от билән тәминләш көздә тутулуватиду. Шөһрәт МӘСИМОВ.

703 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы