• Йеңилиқлар
• 23 Қазан, 2014

Ишлар кәштигә мувапиқ жүргүзүлүватиду

Нурсултан Назарбаев Хәлиқара көргәзмиләр бюросиниң баш кативи Висенте Лоссерталесни қобул қилди. Сөһбәт давамида «ЭКСПО-2017» хәлиқара көргәзмисини уюштурушқа вә уни өткүзүшкә бағлиқ тәйярлиқ ишлириниң кетип бериши қаралди. Дөләт рәһбири атап көрситилгән ишларниң кәштигә қәтъий мувапиқ һалда жүргүзүлүватқанлиғини тәкитлиди. — Силәрниң сәпириңлар наһайити муһим, чүнки униңдин кейинки паалийәтни уюштуруш вә Қазақстан үчүн наһайити муһим болған чарә-тәдбирни өткүзүшкә өз вақтида тәйярлиқ көрүш имканийитини бериду, — деди Нурсултан Назарбаев. Өз новитидә Висенте Лоссерталес көргәзмә лайиһисини әмәлгә ашурушниң утуқлуқ кетип барғанлиғини, буниңға униң умуммиллий миқиясқа егә болуватқанлиғиниң вә Президентниң дайим қоллап-қувәтләватқанлиғиниң ярдәм қиливатқанлиғини тәкитлиди. — Қурулуш иштик сүръәтләр билән, һәтта графиктин илгири кетип бариду. Шуни тәкитлигүм келидуки, мән 25 жиллиқ паалийитимдә объектлар қурулушиниң мунчилик чапсан вә лазимлиқ дәриҗидә жүргүзүлгәнлигини көрмигән едим. «ЭКСПО-2017» көргәзмисиниң утуқлуқ өтидиғанлиғиға ишинимән, — деди Висенте Лоссерталес.