• Йеңилиқлар
  • 06 Қараша, 2014

Турсун акиниң избасарлири

Уйғур жутлириниң жигитбашлири/ Җамбул наһийәсидә уйғурлар зич орунлашқан иккила йеза бар. Бири — Узунағаш, иккинчиси — Қарғалы. Биринчисидә, тәхминән, 500дин ошуқ уйғур аилиси бар. Иккинчисидә азирақ, йәни миллитимиз вәкиллириниң сани йүздин ашиду. Узунағаш йезиси тоғрилиқ гәп қилғанда, мәзкүр жутни қириқ жил башқурған жигитбеши, мәрһум Турсун Турдиевниң исмини тилға алмай мүмкин әмәс. У «сән уйғур, сән түрк, сән қазақ» дәп бөлмәй, пүтүн бир йезиға егидарчилиқ қилған еди. Һәқиқий жигитбеши жуттики уйғурларниңла әмәс, бәлки барлиқ милләтләрниң бешини қошти. Шуңлашқа бу йезида милләтләр бир-биригә «сән-пән» дейишмәтти. Уюштуруш қабилийити үстүн болған акимизниң исми алди билән наһийәгә, андин униң сиртиғиму пур кәтти. Дөләт рәһбири Нурсултан Назарбаевниң тәшәббуси билән Қазақстан хәлқи Ассамблеяси қурулғанда Турсун Турдиев хәлиқләр достлуғиниң әйнә шу надир институтиға дәсләпкиләрдин әза болди. Һазир Алмутида уйғурларға мунасивәтлик баш қошуш яки мәрасимлар өтүп қалса, униңда узунағашлиқлар билән қарғалылиқларни учратмай қалмаймиз. Бу Турсун акимизниң «тәрбийиси», шуниңдин қалған әнъәнә. Мана шуниңдин кейин қанчә жигитбеши йөткәлди, бу әнъәнә техичила давамини тепип келиватиду. Турсун акимизниң ишини һазир Қарғалыда — Барат Рәһманов (сүрәттә солдин үчинчи), Узунағашта Мәхсүт Нәзәров (солдин төртинчи) давам қилип келиватиду. Өткәндә Алмутида Уйғур мәдәнийәт күнлири өтүведи, Барат ака жутдашлири билән бир булуңда уйғурниң бүглүгини ясап, меһманларни саз-нәғмә билән қарши алди. Нерирақта Мәхсүт ака узунағашлиқлар билән уйғурниң тонурини намайиш қилди. Узунағашниң ханим-қизлири тәйярлап кәлгән миллий таамларчу техи?! Хаталашмисам, у күни меһманлар бу икки жутниң «қазан бешини» хелила чөгилиди. Мениң билидиғиним, буларға «мошундақ тәйярлиқлар билән келисиләр», дәп һечким буйруқ бәргини йоқ.  Бу әйнә шу Турсун акидин келиватқан әнъәнә. У пат-патла: «Биз өзимизниң немигә қабилийәтлик екәнлигини өзимиз яхши билимиз. Буни башқиларға көрситишимиз керәк» дәп қахшайдиған. Турсун акимиз селип бәргән йолни һазир жуқурида исми аталған икки акимиз давам қилип кәлмәктә. Һәр икки йезида өтүватқан мәдәний ишларниң бешида әйнә шу иккисини учритимиз. Бәхтишат СОПИЕВ.  Җамбул наһийәси.

140 рет

көрсетілді

0

пікір
Алдыңғы мақала Чоң ишларниң кичик пейил саһиби
Келесі мақала Әҗдатларниң қиммәт роһини сақлайли

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

16 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы