• Йеңилиқлар
  • 13 Қараша, 2014

Кәспий мәйрәм мубарәк!

15-ноябрь – Миллий валюта күни/ Һәммимизгә мәлумки, елимиздә базар ихтисади асаслири наһайити еғир вәзийәттә шәкилләнди. Касатлиқ гирвигидә турған әлни чоңқур ихтисадий боһрандин елип чиқиш үчүн барлиқ мүмкинчиликләр сәпәрвәрликкә кәлтүрүлүп, һели ташқи малийәвий амилларға беқинда болған Қазақстанда миллий валюта – тәңгини айлинимға чиқиришму шу еғир вәзийәттә әмәлгә ашурулди. «12-ноябрь күнини мән валютини айлинимға чиқириш күнини бәлгүлидим, — дәп язиду Президентимиз Н.Назарбаев өз әслимилиридә. – Бу ишни әмәлгә ашуруш үчүн Миллий Бехәтәрлик Комитетиниң барлиқ рәһбәрлири җәлип қилинди, чүнки ахчини барлиқ наһийәләр билән банкларға тарқитишму асан иш әмәс еди. Әтималим, дунияда йеңи валютини айлинимға чиқириш мундақ тез вә утуқлуқ әмәлгә ашурулмиса керәк». Шундақ қилип, тәңгини айлинимға чиқириш 1993-жили 15-ноябрь күни әтигәнлиги саат 8.00да башлинип, 20-ноябрь күни кәчки 20.00да утуқлуқ аяқлашти. Умумий һесапта 950 миллиард рубль айлинимдин чиқирилди. Амма шу пәйттики вәзийәттә тәңгә курсиниң турақлиғини тәминләшму тәс еди. Һәр һалда, инфляцияни жүгәнләш мүмкин болди. Миллий валютиниң айлинимға чиқирилиши, өз новитидә, елимизниң банк секториниң шәкиллинишигә зәмин, җумһурийәттә 200гә йеқин банк ишләшкә башлиди. Шундиму, иқрар қилиш керәкки, кейинки жиллири тәңгә бирнәччә рәт инфляциягә учрап, хунсизлиниш долқунлиридин өтти. Бүгүнки күндә җумһурийитимизниң йеңи тарихиниң бир қисми болған тәңгә елимиз мустәқиллигиниң ихтисадий асасидур вә суверенитет рәмзидур. Миллий валютиниң айлинимға чиқиш җәрияниниң утуқлуқ вә бәлгүләнгән қәрәлдә әмәлгә ашурулушини тәминлигән малийәчиләр үчүнму бу күн алаһидә әһмийәтликтур. Шу мурәккәп җәриянға беваситә иштрак қилған Уйғур наһийәлик малийә башқармисиниң сабиқ хадимлири Тельман Авакриев билән Маһинур Йолдашеваниң исмини мәмнунийәт билән тилға алсақ әрзийду. Шундақла Загида Ибрагимова, Алийәм Рәшитова вә наһийәлик малийә башқармисиниң бүгүнки башлиғи Саһидәм Нурдинова кәби хадимларму өзлириниң салаһийәтлик мутәхәссис екәнлигини намайиш қилди. Наһийәлик малийә башқармисиниң бүгүнки нәпәсиму тилға аларлиқ. Мошу жилниң 1-ноябрь күнигә қәдәр бу йәрдә җумһурийәтлик, вилайәтлик вә наһийәлик бюджетларға қарашлиқ 41 дөләтлик мәһкимигә хизмәт көрситилип, өткән жилдин етиварән уларниң барлиғи «Малийә-Херидар» әхбарат системиси һөҗҗәтләр айлиниминиң электронлуқ системисиға киргүзүлди. Өз паалийитидә ихтисадий тәрәққият вә малийә секторида изчил риваҗлинишни мәхсәт қилған малийә хадимлири елимиз Президентиниң әнъәнивий мәктүплирини қоллап-қувәтләп, уларда қәйт қилинған көрсәтмә-йөнилишләр бойичә иш уюштуруп келиватиду. Утуқлириму аз әмәс. Бу әснада Баһадур Авакриев, Гүлзаһирәм Исмайилова, Гүлзадә Манапова, Әсем Аңызбаева, Назира Нурпеисова, Руфат Геналов, Зәйтүнәм Розиева вә Гөзәл Қасимованиң исимлири алаһидә еһтирам билән тилға елиниду. «Әлгә хизмәт – алий һиммәт» демәкчи, пурсәттин пайдилинип, биз уларни кәспий мәрикиси билән тәбрикләп, бәхит, амәт вә утуқ тиләймиз. Махмут ИСРАПИЛОВ. Уйғур наһийәси.

453 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы