• Йеңилиқлар
  • 13 Қараша, 2014

Қазақстан — Қирғизстан: һәмкарлиқ актив тәрәққий етиватиду

Нурсултан Назарбаев өткән җүмә күни Қазақстанға дөләт сәпири билән кәлгән Қирғиз Җумһурийитиниң Президенти Алмазбек Атамбаев билән учрашти.Президентлар тар даиридә музакириләрни жүргүзди. Қазақстан вә Қирғизстанниң Алий дөләтләрара кеңишиниң төртинчи мәҗлисигә қатнашти, шундақла сәпәр даирисидә бирқатар иккитәрәплимә һөҗҗәтләр имзаланди. Тар даиридә сода-ихтисадий, инвестициялик, йеқилғу-энергетика, транзит-транспорт вә мәдәний-гуманитарлиқ саһалардики һәмкарлиқни мустәһкәмләш мәсилилири муһакимә қилинди. Улар шундақла хәлиқара күн тәртивиниң муһим аспектлири, хәлиқара тәшкилатлар даирисидики өзара һәрикәт мәсилилири бойичә пикир елишти. Униңдин ташқири президентлар Евразия ихтисадий иттипақи даирисидә интеграциялик җәриянларни тәрәққий әткүзүшниң асаслиқ йөнилишлиригә диққәт ағдурди. Нурсултан Назарбаев Қазақстанниң Қирғизстанға зөрүр ярдәм қилишқа тәйяр екәнлигини тәкитлиди. —            Қазақлар билән қирғизлар әзәлдин қериндаш хәлиқләр болуп һесаплиниду. Биз Қирғизстандики вақиәләрни диққәт билән күзитиватимиз. Сизниң бу қетимқи сәпириңиз, шундақла униң давамида имзалинидиған һөҗҗәтләр мәмликәтлиримиз оттурисидики мунасивәтләрниң жуқури дәриҗидә екәнлигиниң испати болуп һесаплиниду, — деди Қазақстан Президенти. Өз новитидә Алмазбек Атамбаев Нурсултан Назарбаевқа Қазақстанниң Қирғизстанға ярдәм қиливатқанлиғи үчүн миннәтдарлиқ билдүрди. Шундақла учришиш давамида Дөләт рәһбири мәмликәтләр оттурисидики достлуқни тәрәққий әткүзүшкә қошқан һәссиси үчүн Алмазбек Атамбаевқа І дәриҗилик «Достық» орденини тапшурди. Униңдин кейин болуп өткән Қазақстан вә Қирғизстан Алий дөләтләрара кеңишиниң төртинчи мәҗлисидә сода-ихтисадий, мәдәний-гуманитарлиқ һәмкарлиқни техиму чоңқурлитиш вә кәңәйтиш бойичә вәзипиләр бәлгүләнди. Иккитәрәплимә һәмкарлиқниң истиқбаллиқ йөнилишлирини ишләп чиқиш мәсилилири қаралди. Қазақстан Президенти кеңәшниң йәттә жил паалийәт елип бериши нәтиҗисидә муһим қарарларниң қобул қилинишиға түрткә болидиған Алий орган сүпитидә активлиғини көрсәткәнлигини тәкитлиди. Мәсилән, униң сөзичә, Қазақстан вә Қирғизстан түрлүк хәлиқара тәшкилатларда, интеграциялик бирләшмиләрдә келишкән һалда өзара һәрикәт қиливатиду, шундақла заманивий синақларға, терроризм вә экстремизм ховуплириға  бирлишип қарши туруватиду. Нурсултан Назарбаев икки мәмликәт оттурисидики сода мунасивәтлириниң сүръәтлик тәрәққий етиватқанлиғини тәкитлиди. —            Кейинки икки жилда товар айлиними турақлиқ рәвиштә бир миллиард доллардин ешиватиду. Мошу жилниң сәккиз ейида регионал һәм дуниявий ихтисаттики мурәккәп вәзийәткә қаримай, өсүш 5,2 пайизни тәшкил қилди. Қирғизстан экспортқа чиқириватқан барлиқ электр энергиясиниң 86 пайизи, сүт мәһсулатлириниң 90 пайизи, көктат вә мевиниң 56 пайизи Қазақстанға әвәтиливатиду. Қирғизстан чәттин кәлтүрүватқан буғдайниң 100 пайизи, унниң 97 пайизи, минерал хам әшияниң 70 пайизи, органикилиқ әмәс химиявий маддиларниң 53 пайизи Қазақстандин йәткүзүлүватиду. Бу һәмкарлиқниң салмақлиқ көләми. Мустәқиллик жиллирида Қирғизстанниң пүткүл ихтисадиға Қазақстан бизнеси 1 миллиард доллар сәрип қилди, — деди Қазақстан Президенти. —            Өз новитидә Қирғизстан Президенти Қазақстан Лидериға қоллап-қувәтләватқанлиғи вә түрлүк мәсилиләрни һәл қилишқа ярдәмлишишкә тәйяр екәнлиги үчүн миннәтдарлиқ билдүрди. —            Қирғизстан мурәккәп әһвалда туруватиду, хелә җиддий энергетика проблемилири моҗут. Сизниң бизниң мәмликәткә мошу вә көплигән башқиму мәсилиләрдә ярдәм қилиш қарариңиз хатиримиздә вә қәлбимиздә мәңгү қалиду. Пүткүл Қирғизстан хәлқи шундақ диққәт бөлгиниңиз вә қоллап-қувәтлигәнлигиңиз үчүн миннәтдар. Биз мошу жилларда силәрниң мәмликитиңларниң қандақ илгирилигәнлигини көрүватимиз. Қазақстан әң чапсан тәрәққий етиватқан бәш дөләтниң, дунияниң әң чоң әллик ихтисадиниң қатариға кирди. Шундақла Астанаға һәрқетим кәлгинимдә далада әйнә шундақ мөҗүзикар шәһәрниң қәд көтәргәнлигигә һәйран қеливатимән, — деди Алмазбек Атамбаев. Президентлар аммивий әхбарат васитилири үчүн өткүзгән бирләшкән брифингта музакириләр йәкүнини чиқарди. Умумән, Қирғиз Җумһурийити Президентиниң сәпири һәм Алий дөләтләрара кеңәшниң төртинчи мәҗлисиниң өткүзүлүши икки мәмликәтниң достанә вә яхши хошнидарчилиқ мунасивәтлирини күчәйтишкә, өзара пайдилиқ һәмкарлиқни актив тәрәққий  әткүзүшкә җиддий һәссә қошти. Алмазбек Атамбаевниң мәмликитимизгә қилған дөләт сәпири даирисидә Қазақстан вә Қирғизстан Президентлири пайтәхтниң бирқатар диққәткә сазавәр җайлирини көздин кәчүрди. Улар Қазақстанниң миллий мирасгаһини зиярәт қилип, Астана тәрәққиятиниң тарихи билән тонушти, шундақла тунҗа Президент Китапханисиниң асасий заллирида болди.

170 рет

көрсетілді

0

пікір
Алдыңғы мақала Тәшвиш қоңғуриғини челишқа асас барму?
Келесі мақала Дөләт рәһбириниң һозурида

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

16 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы