• Әхбаратлар еқими
  • 20 Желтоқсан, 2014

Келәчигимиз әтики әвлатниң қолида

Қазақстан Җумһурийити Президенти Н.Ә. Назарбаевниң хәлиққә йоллиған бийилқи Мәктүби җәмийитимиздә зор қизғинлиқ ойғитип, әтики күнгә болған үмүт-ишәнчимизни ашурмақта. Мәктүпни бүгүнки таңда қазақстанлиқларниң толуқ қоллап-қувәтләватқанлиғи униң һәқиқәтәнму хәлиқниң арзу-арманлири билән мәхсәт-муддиалириға уйғун келидиғанлиғини ипадиләйду.Дөләт рәһбири елимизниң йеқин келәчәктики һәм истиқбалдики иҗтимаий-ихтисадий тәрәққиятиниң муһим басқучлирини чоңқур илмий-әмәлий асаста һәм бүгүнки дуниявий реаллиқларға таянған һалда атап көрситип, һаятий әһмийәткә егә болған муһим вәзипиләрни илгири сүргән. Мана шуңлашқиму Президентниң бу Мәктүби тарихий әһмийәткә егә, хәлиқниң қизғин қоллап-қувәтләватқанлиғиниң сәвәвиму әйнә шуниңда. Мениң әмгәк паалийитим педагогика саһасида өтти. Һазир йешим йетип, һөрмәтлик дәм елишқа чиққан болсамму, өсүватқан әвлат тәрбийисигә мунасивәтлик мәсилиләргә бепәрва қарап туралмаймән. Бүгүнки мәктәп партисида олтарған балилиримизниң қандақ оқуп, қандақ тәрбийилиниватқанлиғи мени һәрқачан ойландуриду, һәтта тәшвишләндүрүп қойиду. Чүнки бизниң келәчигимиз әшу әвлатлиримизниң қолида. Аләмшумуллаштуруш һәм ихтисадий боһранлар шараитида кәлгүси тәғдиримизниң қандақ болуши өсүватқан оғул-қизлиримизға бағлиқ. Қазақстанда билим бериш саһасида түп-асаслиқ ислаһатлар жүргүзүлүп, оқутушниң сүпитини дуниявий стандартлар дәриҗисигә көтириш үчүн нурғун ишлар қилинип, һәртәрәплимә шараитлар яритиливатиду. Билим дәргаһлириниң маддий-техникилиқ җәһәттин тәминлинишини яхшилап, муәллимләрниң беваситә бала тәрбийиләш иши билән шуғуллинишиға имканийәт яритиш дөләт әһмийитигә егә мәсилә сүпитидә һемишәм диққәт мәркизидә болуп кәлмәктә. Дөләт рәһбириниң бу қетимқи хәлиққә йоллиған Мәктүбидиму бу һәқтә алаһидә ейтилип, муһим мәсилиләр оттуриға қоюлған. Мәсилән, 2017-жилиғичә болған үч жиллиқ бюджетта көздә тутулған мәбләғдин ташқири, қошумчә 70 миллиард тәңгә бөлүнидиғанлиғи атап көрситилгән. Шундақ қилип, өрүлүп кетиш һалитидә турған мәктәпләр билән үч сменида оқутуш мәсилиси биртәрәп қилинидиған болиду. Мәктәп йешиғичә болған тәлим-тәрбийә ишлирини яхшилаш мәхситидә балилар мәһкимилиридики орун тапчиллиғини қисқартиш үчүн 20 миллиард тәңгә бөлүнидиғанлиғи тәкитләнгән. Буларниң һәммиси бүгүнкидәк малийәвий-ихтисадий боһран овҗ еливатқан пәйттә қолға елиниватқан чарә-тәдбирләр екәнлигини әскә алидиған болсақ, елимиздә билим бериш саһасиға қанчилик дәриҗидә әһмийәт бериливатқанлиғи өз-өзидин айдиңлишиду. Умумән, маарип саһасиға көрситиливатқан ғәмхорлуқни бизниң келәчигимизгә болған ғәмхорлуқ дәп чүшинишимиз керәк. Чүнки елимизниң әтики тәғдири бүгүнки өсүватқан әвлатниң қолида. Шуңлашиму бу ишқа алаһидә әһмийәт бериливатиду һәм Мәктүптә йәнә бир қетим өз ипадисини тапқан. Әхмәтҗан НАДИРОВ, Қазақстанниң хизмәт көрсәткән муәллими, Панфилов наһийәсиниң Пәхрий граждини.

649 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы