• Әхбаратлар еқими
• 22 Қаңтар, 2015

Балиларға ғәмхорлуқ

Пешқәдәм педагог, Панфилов наһийәсиниң Пәхрий граждини Санийәм Зулиярова рәһбәрлигидики «Яркәнт тәвәсиниң җанкөйәри» фондиниң тәшкил қилинғанлиғиға анчә көп вақит болмиди. Лекин, шуниңға қаримастин, мәзкүр җәмийәтлик қурулум өзиниң хәйрихаһлиқ ишлири билән җамаәтчиликкә тонулуп, сәмимий алқишиға сазавәр болмақта.Йеқинда фондниң уюштуруши билән «Асыл ғасыр» кафесида имканийити чәкләнгән балилар үчүн мәхсус мәрасим өткүзүлди. Униңда шәһәрдики оттуз бала тәклип қилинип, мол дәстихан әтрапида баш қошти. «Нур Отан» партияси наһийәлик шөбиси рәисиниң биринчи орунбасари Ермек Нурахметов, Яркәнт шәһәрлик округи һакиминиң орунбасари Айдын Келемсеит, шундақла җәмийәтлик тәшкилатлар билән җамаәтчилик вәкиллири балиларни тәбрикләп, изгү тиләк-истәклирини билдүрүш билән биллә соғиларни тапшурди. Өз новитидә, балилар шеирларни ядқа ейтип, нахшиларни иҗра қилди. Бәхитҗан РАЗИЕВ. Яркәнт шәһири.