- Әхбаратлар еқими
- 22 Қаңтар, 2015
Балилар автоорундуқлири тоғрилиқ нормилар кейингә қалдурулмайду
Жүргүзгүчиләр диққитигә/ Қазақстан Җумһурийити Ички ишлар министрлиги йол һәрикити қаидилиригә киргүзүлгән өзгиришләрни кейингә қалдурушқа болмайдиғанлиғини хәвәр қилди.Бу һәқтә ички ишлар министри Қулмухамбет Қасымов Парламент Мәҗлисиниң пленарлиқ олтириши алдида ейтти һәм бу мәсилә «қанунға мувапиқ» һәл қилинидиғанлиғини тәкитлиди. «Шундақла министрликниң мәлуматлиричә, 2014-жили елимиздә йолувчи балилар қатнишиши билән 1399 йол апити тиркәлгән екән. Бу йол апәтләрдә 89 бала қаза болуп, 1704 бала җараһәтләр алған. «Әгәр автомобильларда балини тутуп туридиған васитиләр болған болса, уларниң һаятини сақлап қелишқа болатти», дәп тәкитләнгән әхбаратта.
Ички ишлар министрлиги тәкитлишичә, мәзкүр норма дунияниң сәксән дөлитиниң қанунлирида қоллинилиду. Уларниң ичидә Евроиттипақ дөләтлири, Бүйүк Британия, Россия, Беларусь вә Украина бар. Бу дөләтләр БМТниң йол һәрикити тоғрилиқ конвенциягә әза. «Тәкитләш лазимки, йол һәрикити қаидилиридә балини қанчә яшта автоорундуқта олтурғузуш яки башқа тутуп туруш васитисини қоллиниш рәтләнмигән. Он икки яшқичә болған балиларни тошуш вақтида қайси васитини қоллинишни жүргүзгүчи өзи таллайду» дәп тәкитләнгән министрликниң журналистларға бәргән мәлуматлирида.
Есиңларға салимизки, Мәҗлистики «Ақ жол» фракциясиниң депутатлири йол һәрикити қаидилиригә киргүзүлгән өзгиришләрни бир жилға кейингә қалдуруш тәкливини бәргән еди.
703 рет
көрсетілді0
пікір