• Статистика
  • 22 Қаңтар, 2015

Өткән жили 8 247 қазақ вәтинигә қайтип кәлди

Мустәқиллик жиллирида Қазақстанға 952,8 миң оралман кәлди. Бу мәмликәт аһалисиниң умумий саниниң 5,5 пайизи. 2014-жили 3 792 аилә (8 247 қазақ) тарихий вәтинигә қайтип кәлди. Оралманларниң көпчилиги — 61,5 пайизи — Өзбәкстандин, 14,3 пайизи — Хитайдин, 9,3 пайизи — Моңғулстандин, 6,8 пайизи — Түркмәнстандин, 4,6 пайизи — Россиядин, 3,5 пайизи башқа мәмликәтләрдин кәлди. Улар көп җәһәттин Җәнубий Қазақстан (21,2 пайиз), Алмута (16,3 пайиз), Маңғыстав (13 пайиз), Җамбул (9,4 пайиз) вилайәтлиригә, қалған 40,1 пайизи мәмликәтниң башқа регионлириға орунлашти. Әмгәккә қабилийәтлик яштики оралманларниң 8,7 пайизи алий, 20,5 пайизи мәхсус оттура, 61 пайизи оттура мәлуматқа егә. Оралман мәртивисигә егә болғанлар Қазақстан Җумһурийитиниң «Аһали миграцияси тоғрилиқ» Қанунида көздә тутулған барлиқ иҗтимаий имтиязлардин пайдилиниду. Уларға көчкәндә пәйда болидиған проблемиларни һәл қилишта Ақтав, Қарағанда вә Чимкәнт шәһәрлиридә, шундақла Җәнубий Қазақстан вилайитиниң Ақсукент йезисида ишләватқан мәхсус мәркәзләр ярдәм қилиду. Мундақ мәркәзләрдә һоқуқ мәсилилири бойичә мәслиһәтләрни елиш, дөләт яки хаһиши бойичә рус тиллирини үгиниш, кәспий тәйярлиқтин өтүш, квалификациясини ашуруш бойичә хизмәт көрситилиду.

233 рет

көрсетілді

1

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Баратов

14 Тамыз, 2020

Қазақстанда туғулған, амма тәғдир тәққазисигә бола башқа МДҺ дөләтлиридә қелип кәткән вә уяқлардин Қазақстанға көчуп кәлмәкчи болған уйғурларғиму шундақ рәсмий мунасивәт билдурулсә яхши болатти.

Уйғур авази

03 Наурыз, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы