• Статистика
• 22 Қаңтар, 2015

Қазақстан аһалиси 17 миллиондин ашти

Қазақстан Җумһурийитиниң Миллий ихтисат министрлиги Статистика бойичә комитетиниң рәиси Әлихан Смаилов елимиздики демографиялик әһвал тоғрилиқ мундақ мәлуматларни бәрди. 2014-жилниң 1-декабриға қәдәр Қазақстанда 17 миллион 397 миң адәм яшап, уларниң арисида шәһәр турғунлири 55,3 пайизни, йеза аһалиси 44,7 пайизни тәшкил қилған. 2013-жилниң 1-декабри билән селиштурғанда мәмликәт аһалсиниң сани 251 миң адәм яки 1,5 пайиз көпәйгән. Бир жилниң ичидә 368 миң қазақстанлиқ дунияға келип, туғулғанларниң сани 1,6 пайиз өскән. Шуниң билән бир вақитта өлгәнләрниң сани 120 миң адәмни тәшкил қилип, 4,7 пайиз азайған. Миграция полициясиниң мәлуматлириға қариғанда, мәмликәткә турақлиқ яшашқа кәлгән вә 2014-жилниң январь — ноябрь айлирида ройхәткә елинғанларниң сани — 15 185, кәткәнләрниң 23 869 адәмни тәшкил қилди.