• Маарип
• 05 Ақпан, 2015

Қазақстан мәктәплиридә йеңи дәрис җарий қилиниду

Қазақстанниң оттура мәктәп-лиридә SAGE хәлиқара билим бериш программиси җарий қилинмақчи. Программа дунияниң 22 дөлитини бирләштүриду вә у балиларда тиҗарәтчиликкә болған қизиқишни ашурушқа ярдәм бериду.Мәктәп дәрислириниң тизими принцип җәһәттин йеңи дәрис билән толуқтурулуши мүмкин. Қазақстанлиқ балилар тиҗарәтчиликниң вә иҗтимаий җавапкәрликниң асаслирини оқуп, үгинишкә башлайду. Җумһурийәт Билим вә пән министрлиги һәм Тиҗарәтчиләрниң миллий палатиси тәклип қилған лайиһә дәсләп Алмута, Ақтөбә Қарағанда, шундақла Җәнубий вә Шәрқий Қазақстан вилайәтлириниң айрим шәһәрлириниң мәктәплиридә җарий қилиниду. «Йеңи «Тиҗарәтчилик» дәриси жуқурида аталған регионларда пат- йеқинда сәккизинчи синиптин оқутулушқа башлайду. Бизниң пикримизчә, мәзкүр программа җумһурийитимиздә аммивий миқиястики йетәкчи тиҗарәтчиләрниң йеңи долқунини шәкилләндүрүшкә ярдәм бериду», дәйду Қазақстан Җумһурийити Тиҗарәтчиләрниң миллий палатисиниң вәкили Әвез Қарабалаев. Мошуниңға бағлиқ Умуммиллий тестқа тохтилидиған болсақ, униң моҗут илгәрки шәкли сақлинип қалиду. Пәқәт емтиһанға бехәтәрлик вә җавапкәрлик бойичә бәлгүлүк өзгиришләр киргүзүлүши мүмкин. Биз 2004-жили таллавалған «Умуммиллий тестниң асасиға киргән технология өзини ақлиди дәп ишәшлик ейталаймиз. Биз бир емтиһан билән икки вәзипини һәл қиливатимиз — мәктәпни тамамлиған түләкләр үчүн охшаш шараит яритиливатиду», дәйду җумһурийәт билим вә пән министриниң орунбасари Таһир Балыкбаев. Шундақла вице-министр идаридә алий оқуш орунлирида парихорлуққа қарши күришиш бойичә планлиқ иш елип бериливатқанлиғини алаһидә тәкитлиди. Т.Балыкбаевниң сөзичә, мошуниңға бағлиқ министрлик йенида уйғунлаштуруш кеңиши қурулған. Шуниңға қошумчә, Қазақстанниң оттура, техникилиқ вә алий оқуш орунлирида парихорлуққа қарши күрәшни айрим пән сүпитидә оқутушни җарий қилиш көздә тутулмақта. Насирахун РОЗАХУНОВ. Алмута шәһири.