• Йеңилиқлар
  • 13 Ақпан, 2015

Шанлиқ сәнәгә тәйярлиқлар қандақ?

Рустәм АБДУСАЛАМОВ, Астана шәһәрлик Уйғур этномәдәнийәт мәркизиниң рәиси: — Өткән жили Қазақстан хәлқи Ассамблеясиниң новәттики сессиясидә Дөләт рәһбири 2015-жилни Ассамблея жили, дәп елан қилди. Шу күндин башлап, биз, астаналиқ уйғурлар, униңға тәйярлиқ ишлирини башлавәттуқ. Җүмлидин мәркәз йенида мәхсус комиссия қуруп, җумһурийәтлик бирнәччә гезитқа хәлқимизниң мәдәнийити, урпи-адәтлири һәққидә мақалиларни елан қилдуқ. Һәтта чәтәллик журналистлар биләнму учраштуқ. Әнди биз өткүзидиған чарә-тәдбирләр көп, уларниң дәсләпкиси жил беши – Норуздин башлиниду. Баһадур СӘЛИМОВ, Җәнубий Қазақстан вилайәтлик Уйғур этномәдәнийәт мәркизиниң рәиси: — Биз Қазақстан хәлқи Ассамблеясиниң жигирмә жиллиғиға мунасивәтлик жил давамида жигирмә чарә-тәдбир өткүзүшни планлаватимиз. Дәсләпки мәрасим дөләт тилиға беғишлинип, у «Қазақчиңиз қандақ?» мавзусида өтиду. Бийил 8-март – Хәлиқара ханим-қизлар мәйримини адәттикидин кәңирәк нишанлап, елимизда милләтләрара достлуқни мустәһкәмләшкә өзлириниң үлүшини қошуватқан анилиримизға чоң һөрмәт билдүримиз. Муһәббәт ТУРДИЕВА, Җамбул вилайәтлик Уйғур этномәдәнийәт мәркизиниң рәиси: — Вилайәтлик «Достлуқ» өйидә мәдәний мәрасимлар дайим жуқури дәриҗидә өтиду. Бу тәрипигә кәлгәндә махтинип қояй, биз, уйғурларниң, алдиға өтидиғини йоқ. Мол дәстихинимиз билән саз-нәғмә, уссул-нахшимиз һәрқачан тәйяр. Бийил Ассамблея жили билән бирқатар Улуқ Ғалибийәтниң 70 жиллиғиниму атап өтимиз. Ғалибийәтни қолға кәлтүрүштә бизниң тәвәдинму миңлиған ата-бовилиримиз қан кәчти, көпчилиги җәң мәйданидин қайтмиди. Шуңлашқа, мән ойлаймәнки, этномәдәнийәт мәркәзлири Ғалибийәт мәйриминиң дағдуғилиқ өтүшигә мунасип үлүшини қошуши керәк. Бу җәһәттин бизниң мәркәзниң алдин-ала түзүлгән реҗилири бар. Тиләпҗан Ибрагимов, Ақтөбә вилайәтлик Уйғур этномәдәнийәт мәркизиниң рәиси: — Бийил  биз, Қазақстанда истиқамәт қиливатқан азсанлиқ милләтләр, өзимизниң һәқиқий достлуғумизни намайиш қилишимиз керәк. Бизниң вилайәттә этномәдәнийәт мәркәзлириниң сани он тоққузға йәтти. Мошу йеқиндила уларниң сепини цыганларниң мәдәнийәт мәркизи толуқтурди. Жигирмә жиллиққа соға ретидә йәнә бир милләтниң тәшкилати қурулуп қелиши мүмкин. Уни, әлвәттә, вақит көрситиду. Өткәндә этномәдәнийәт мәркәзлириниң рәһбәрлири «Достлуқ» өйидә баш қошуп, һәрбир мәркәзгә ениқ вәзипиләр жүкләнди. Һәрбиримиз бирдин чоң мәрасим өткүзидиған болдуқ. Һазирниң өзидә Ақтөбә вилайитидики 20 уйғур аилиси униңға тәйярлиқ ишлирини башлавәттуқ. Арсен ТУРДИЕВ, Павлодар вилайәтлик Уйғур этномәдәнийәт мәркизиниң рәиси: — Йошуридиғини йоқ, жирақта жүрсәкму «уйғурумниң нами өчмисун» дегән мәхсәттә мәдәнийәт мәркәзлирини қурувалдуқ. Униң паалийитиниң қандақ болуватқанлиғини пәқәт әйнә шу мәркәздә ишләватқанларла яхши билиду. Биз намимиздин көрүнүп турғинидәк, наһайити өм хәлиқ. Мән шундақ дәп ишәшлик ейталаймән һәм буниң билән дайим пәхирлинимән. Биз өзимизни өзимизни тонуп болдуқ. Әнди өзимизни өзгиләргә тонутушимиз керәк. Бийил биз Уйғур театриниң артистлирини, һәрхил саһада паалийәт жүргүзүватқан уйғур зиялирини тәклип қилишни планлаватимиз. Буниң һәммиси Ассамблея жили даирисидә әмәлгә ашурулиду. Бәхтишат СОПИЕВ.

159 рет

көрсетілді

0

пікір
Алдыңғы мақала Миң чақиримни пиядә бесип өткән
Келесі мақала Қазақстан хәлқи Ассамблеясиниң жили тәнтәнилик башланди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

16 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы