• Йеңилиқлар
  • 19 Ақпан, 2015

Қазақстан хәлқи Ассамблеяси Кеңиши әзалириниң мураҗиити

Биз, Қазақстан хәлқи Ассамблеяси Кеңишиниң әзалири, келәчәк үчүн өз җавапкәрлигимизни чүшәнгән һалда, Қазақстан Җумһурийитиниң Президенти — Милләт Лидери Нурсултан Әбиш оғли Назарбаевниң сәпдашлири, өз вәтинимизниң вәтәнпәрвәрлири сүпитидә хәлиққә мураҗиәт йоллаймиз.Қазақстан хәлқи Ассамблеясиниң намиға мәмликәтниң барлиқ регионлиридин муддәттин илгири Қазақстан Җумһурийити Президентиниң сайлимини өткүзүш тоғрилиқ тәшәббуси билән нурғунлиған мураҗиәтләр келип чүшүватиду. Қазақстан хәлқи Ассамблеяси мошу тәғдиранә мәсилә бойичә мәвқәсини билдүрүшни өзиниң гражданлиқ қәрзи дәп һесаплайду. Күчийиватқан дуниявий ихтисадий боһран вә мурәккәп хәлиқара күн тәртиви шараитида сайлам өткүзүш тоғрилиқ умумхәлиқ тәшәббуси вақит тәливи болуп һесаплиниду. Аләмшумул синақлар вақтида елимиз Президенти Нурсултан Назарбаевқа мәмликәтни боһрандин елип чиқиш мүмкинчилигини беридиған йеңи ишәнчә мандатини бериш зөрүр. Дуниявий тәңпуңсизлиқниң йеңи вә қийин басқучида елимиз стратегиялик йолдин адашмай, Қазақстанни йеңилаш вә дунияниң әң күчлүк оттуз мәмликитиниң қатариға кириши үчүн Милләт Лидери Н.Ә. Назарбаевқа ишәнчә билдүрүш зөрүр. Шуниң билән бир вақитта Милләт Лидериға берилгән йеңи ишәнчә мандати дуния тәрәққиятиниң йеңи басқучида хәлқимизни бирләштүрүп, күч-қувәтни дөләтни тәрәққий әткүзүштики муһим мәсилиләргә қаритиш имканийитини бериду. Бүгүн мәмликитимиздә барлиқ ресурсларни «Нұрлы жол — тәрәққиятқа башлайдиған йол» программисини, «Қазақстан-2050» узақ муддәтлик Стратегиясини әмәлгә ашуруш үчүн бирләштүрүш зөрүр. Дөләт рәһбири жүргүзүватқан йол әтрапиға җипсилишишниң мәмликәтниң буниңдин кейинки изчил тәрәққиятиниң вә гражданлиримиз паравәнлигиниң капалити болуп һесаплинидиғанлиғиға ишинимиз, Нәқ шуңлашқиму мошу мурәккәп вақитта биз барлиқ қазақстанлиқларни Милләт Лидери Н.Ә. Назарбаевниң әтрапиға җипсилишишқа чақиримиз. Муддитидин илгири Президент сайлимини өткүзүш арқилиқ ихтисатниң өсүшини күчәйтиш, жүргүзүлүватқан сәясәтниң варислиғини тәминләш муһим әһмийәткә егә. Бу тәшәббусқа һәқиқәтәнму һечқандақ альтернатива йоқ. Униңдин ташқири әндики 2016-жилда Президент вә Парламент сайламлири бир қәрәлгә мувапиқ келиду. Конституция нормилириға еғишмай әмәл қилиш мәхситидә уларни һәрхил вақитта өткүзүш мәхсәткә мувапиқтур. Қазақстан хәлқи Ассамблеяси Вәтинимизниң тәрәққий етишиға вә турақлиқ йүксилишигә қаритилған тәшәббусларни һәрқачан қоллап кәлгән вә буниңдин кейинму қоллап-қувәтләйду. Биз мошу умумхәлиқ тәшәббусни оттуриға қоюп һәм қазақстанлиқларниң, һәм пүткүл хәлиқара бирләшминиң қоллап-қувәтлишигә егә болидиғанлиғимизға ишинимиз, чүнки биз хәлиқ вә мәмликәтниң алий мәнпийәтлирини көздә тутуватимиз. Мустәқиллигимиз мәңгү болсун! Қазақстан жилдин-жилға гүллинип, дунияниң абройлуқ вә һөрмәтлик мәмликитигә айлансун! Биз, Қазақстан хәлқи Ассамблеяси Кеңишиниң әзалири, Қазақстан Җумһурийити Парламентиниң Мәҗлисидики Қазақстан хәлқи Ассамблеясиниң депутатлар топиға муддитидин илгири Қазақстан Җумһурийити Президентиниң сайлимини өткүзүш тәшәббусини көтәрсун, дәп мураҗиәт қилимиз. Қазақстанлиқлар дунияниң ихтисади әң тәрәққий әткән оттуз мәмликитиниң қатариға кириш мүмкинчилигини беридиған «Қазақстан-2050» Стратегиясини давамлаштуруш тәрәпдари! Қазақстанлиқлар «Нұрлы жол — тәрәққиятқа башлайдиған йол» программисини қоллап-қувәтләйду! Қазақстанлиқлар ички сәясий турақлиқни күчәйтиш, буниңдин кейинки тәрәққият тәрәпдари! Биз барлиқ Қазақстан хәлқигә, сәясий партияләргә, гражданлиқ секторға вә мәмликитимизниң вәтәнпәрвәрлиригә муддитидин илгири Қазақстан Җумһурийити Президентиниң сайлимини өткүзүш тәшәббусини қоллап-қувәтләшкә мураҗиәт қилимиз. Астана, 2015-жил 14-февраль.

433 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы