• Йеңилиқлар
  • 16 Наурыз, 2015

Биз Президентимизға ишинимиз

Сөз — қурултай иштракчилириға/ Астана шәһиридә өткән «Нур Отан» партиясиниң новәттики 16-қурултийиға уйғурлардин төрт делегат иштрак қилди. Улар — Қазақстан Парламенти Мәҗлисиниң депутати Мурат Әхмәдиев, Уйғур наһийәсиниң һакими Алимҗан Тохтасунов, Алмута шәһәрлик мәслиһәтниң депутати, «Нур Отан» партияси сәясий кеңишиниң әзаси Әхмәтҗан Шардинов, «Нур Отан» партияси Алмута шәһәрлик сәясий кеңишиниң бюро әзаси Асимҗан Злавдинов. Уларниң арисидин Әхмәтҗан Бәһрим оғли йәнә төрт жилға «Нур Отан» партиясиниң сәясий кеңишигә әза болуп сайланди.

– Бу қетимқи қурултайға икки миңға йеқин адәм иштрак қилип, жиғин үч йерим саатқа созулди, — дәп Әхмәтҗан Бәһрим оғли қурултайдин алған тәсиратлирини биз билән бөлүшти. – Қурултай давамида ондин ошуқ делегат сөзгә чиқти. Уларниң арисида һәрхил кәсип егилири вә һәрхил милләт вәкиллириму бар. Һәммиси бир еғиздин новәттин ташқири өтидиған президент сайлимиға Нурсултан Әбиш оғлиниң намзитини көрсәтти. «Бүгүнки күндә қазақстанлиқларниң қолға кәлтүргән утуқлири у — Сизниң тинмай әмәлгә ашурған ишлириңизниң мевиси. Һазир Қазақстанни дуния иқрар қиливатиду. Барлиқ саһаларда пәқәт алға кетип баримиз. Бу, әлвәттә, сизниң йемишлик әмгигиңизниң нәтиҗиси. Биз буниңдин кейинму сизгә ишинимиз» дегән пикирни һәммиси бир еғиздин қоллиди. Андин сөзгә чиққан Нурсултан Назарбаев қурултай минбиридин өзиниң намиға ейтилған иллиқ сөзләргә миннәтдарлиғини изһар қилди. Шундақла у болғуси сайламда «Нур Отан» партиясидин Президентлиққа намзат сүпитидә күч синашқа чүшүшкә келишкәнлигини ейтти. Буни һәммимиз гүлдүрлигән алқишлар билән қобул қилдуқ. Шуниңдин кейин Президент доклад билән сөзгә чиқти. У бу қетимқи нутқидиму қазақстанлиқларниң келәчәктики паравән турмуши һәққидә әтраплиқ тохталди. Алаһидә диққәткә сазавәр нәрсә шуки, Президент өз нутқида бәш институционаллиқ ислаһәт намлиқ бәш қәдәмни алға сүрди. Дуниядики муваппәқийәт қазанған дөләтләр нәқ мошу қәдәмләрни бесиш арқилиқ утуққа йәтти. Мошу бәш қәдәм арқилиқ биз дуниядики тәрәққий әткән 30 дөләтниң қатариға ишәшлик кирәләймиз. Буниңға биз пәқәт  Нурсултан Әбиш оғлиниң дана сәясити арқилиқ йетимиз.

7491 рет

көрсетілді

0

пікір
Алдыңғы мақала Ана аилиниңла әмәс, Вәтәнниңму иптихари
Келесі мақала Қазақстан хәлқи Ассамблеясиниң «Нур Отан» партияси XVІ қурултийиниң Н.Ә. Назарбаевни Қазақстан Җумһурийитиниң Президентлиғиға намзат қилип көрситиш тоғрилиқ қарарини қоллап-қувәтләш һәққидә мураҗиити

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

23 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы