- Әхбаратлар еқими
- 19 Наурыз, 2015
Жил ахириғичә күчлүк йәр тәврәш күтүлмәйду
Йеқинда Алмута шәһириниң пәвқуладдә вәзийәтләр бойичә департаментида өткән брифингта Қазақстан Җумһурийити сейсмология институти мудириниң илим-пән бойичә орунбасари Анатолий Ли аһалини жил ахириғичә күчлүк йәр тәврәшниң болмайдиғанлиғиға ишәндүрди.Биз барлиқ сейсмикилиқ станцияләрниң көрсәтмилирини оқуп-үгинип, қисқа муддәтлик тәхминни түздуқ. Униңға мувапиқ Алмутида жил ахириғичә йәттә баллдин ошуқ күч билән йәр тәврәшниң йүз бәрмәйдиғанлиғи күтүлиду, — деди у.
Өткән йәкшәнбә күни Алмутида 20.01дә йүз бәргән йәр силкиниши сейсмология институтиниң йетәкчи мутәхәссиси билән учришишни өткүзүшкә сәвәп болди. Җәнубий пайтәхттә йәр тәврәш күчи топа түригә қарап 4-5 баллни тәшкил қилди. Йәр тәврәш мәркизи Алмутиниң 28 километр җәнубида, Қирғизстан билән чегарида болди. Бу мәзкүр регион үчүн адәттики әһвал. Умумән алғанда, мәзкүр регионда сейсмикилиқ активлиқ һәқиқәтәнму күчәйгән. Һазирқи күндә бизниң мутәхәссислиримиз тәпсилий байқашларни жүргүзмәктә, деди сөзиниң ахирида А.Ли.
Насирахун РОЗАХУНОВ.
707 рет
көрсетілді0
пікір