• Әхбаратлар еқими
• 19 Наурыз, 2015

«Қазақстан — умумий өйүмиз»

Көрүк/ Өткән һәптидә Алмута шәһиридики 131-оттура мәктәптә Қазақстан хәлқи Ассамблеясиниң 20 жиллиғиға беғишланған «Қазақстан — умумий өйүмиз» мавзусида шәһәрлик көрүк өткүзүлди. Униңға җәнубий пайтәхтимиздики 89-рус-уйғур оттура мәктивиниң 5-6-синип оқуғучилири қатнишип, уйғур хәлқиниң тарихи билән күндилик турмуш-тирикчилигини тонуштурди.Дилнур Һәмраева, Гүлинур Тохтахунова, Бәрзәмҗан Турғанҗанов, Меһриван Әбәйдуллаева, Дилназ Розиева өйлиниш тойидин сәһнилик көрүнүшләрни көрсәтти. Андин кейин «Интизар» уссулчилар топи миллий уссулларни иҗра қилип, көпчиликкә арамбәхш  дәмләрни һәдийә қилди. Көрүк давамида уйғурларниң миллий кийимлири билән мейизлик таамлириниң йәрмәңкиси вә намайәндилиримизниң қияпити әкис етилгән фотокөргәзмиләр уюштурулуп, у көпчиликтә чоңқур тәсират қалдурди. Ахирида көрүк йәкүни чиқирилип, 89-рус-уйғур оттура мәктивиниң командиси (сүрәттә) ғалип аталди. Көрүк ғалиплири Қазақстан хәлқи Алмута шәһәрлик  Ассамблеясиниң Пәхрий ярлиқлири билән мукапатланди.

Гүлвира ИБРАГИМОВА.

Алмута шәһири.