• Йеңилиқлар
• 03 Сәуір, 2015

Помидорниң шипалиқ роли

Яхши пишқан помидорниң сүйигә азирақ ақ шекәр арилаштуруп, сүркәп бәрсә, үз териси силиқ, жумран болиду. Помидор иссиқлиқни яндуруп, зәһәрни қайтуриду. Шундақла рак кесилиниң алдини елишта һәм уни қошумчә давалашта әһмийити зор.Яхши пишқан помидорни ақ шекәргә арилаштуруп ач қосаққа истимал қилип бәрсә, қан бесимиға дава болиду. Помидор вә яңию сүйини арилаштуруп, әтигәндә вә кәчтә йерим стакандин ичип бәрсә, җараһәтниң тез сақийишиға зәмин яритиду. Помидор вә тавуз сүйини арилаштуруп, бир саатта бир йерим стакандин ичип бәрсә, қизитмини яндуриду. Помидор чиш милигидә қан жиғилишини давалашта шипалиқ роль атқуриду. Һәр каллида бир хиял Аяллар өзлириниң тәбиити җәһәттин башқа аялларниң улар тоғрилиқ ойлишиға нисбәтән жуқурирақ дәриҗидә, амма әркәкләрниң көпчилигиниң уларни тәсәввур қилишиға нисбәтән хелә төвән дәриҗидә туриду. *** Һөкүмәт баһаларниң өсүши үчүн һечқандақ асасниң йоқлуғини елан қилип, уларниң тамамән асассиз өсүшини қолға алди. *** Алмута шәһиридә яшайдиған С. исимлиқ қизниң ахирқи 15 жил җәриянида китапханидин елип оқуған китаплириниң тизими: 1996-жилниң май ейи, китапниң сәрләвһиси «Миллионерға турмушқа чиқишниң усуллири», 1999-жилниң апрель ейи — «Интайин бай адәмгә турмушқа чиқишниң 20 усули», 2003-жилниң август ейи — «Пәқәт шәхсий мәнпийитиңизни ойлап турмушқа чиқиш — вақит тәливи»,  2005-жилниң октябрь ейи — «Қандақ қилип турмушқа утуқлуқ чиқишқа болиду», 2007-жилниң март ейи — «Бу һаятта ялғуз қалмаслиқниң усуллири», 2009-жилниң сентябрь ейи — «Ялғуз яшашниң әвзәлликлири», 2011-жилниң декабрь ейи — «Әркәкләрниң һәммиси ахмақ екәнлигиниң 110 испати». *** Инқилапчилар, адәттә, келәчәккә итаәт қилиду, амма өтмүш билән яшайду.