• Хәйрихаһлиқ
  • 03 Сәуір, 2015

Көпкә үлгә болди

Хәйрихаһлиқ концерт/ Кейинки вақитларда Ават йезисидики Өмәр Муһәммәдий намидики оттура мәктивиниң Венера Айтахунова рәһбәрлигидики 10-«в» синипиниң 14 оқуғучиси чоңларға үлгә боларлиқ ишларниң һөддисидин чиқип келиватиду. Улар буниңдин бираз вақит илгири Аваттики һаллиқ, умумән, жүригидә имани бар адәмләрдин мәбләғ жиғиштуруп, йезидики һәрхил ағриқларға муптила болған балиларға ярдәм беришкә башлиди. Синип командири Нурбанум Жилкелдиниң тәкитлишичә, йеқинда улар Интернет арқилиқ Ибрагим Турсунниң еғир ағриққа дучар болғанлиғи һәққидә билиду. Униңға ярдәм беришни нийәт қилип, хәйрихаһлиқ чарә уюштуриду. Аваттики 6 җәмийәтлик орунға мәбләғ топлаш үчүн мәхсус ящикларни орунлаштуриду. Барған йәрлиридә Ибрагимниң дәрдини, муһтаҗини көпчиликкә йәткүзүшкә тиришиду. Йеза активистлири, Мәдәнийәт өйиниң хадимлири билән келишип, акцияни хәйрихаһлиқ концерт билән аяқлаштуриду. Концерт өткән күни Мәдәнийәт өйи адәмләргә лиқ толди. Бу Ибрагимниң дәрдигә һисдашлиқниң ениқ испати болса керәк. Ибрагимға саламәтлик тиләп кәлгән тамашибинларниң көңлидин чиқиш үчүн кәлгән сәнъәткарларму хелә көп болди. Хошна Талғир наһийәсиниң талантлиқ яшлар шулар җүмлисидиндур. Концерттин кейин сәһнигә көтирилгән Ават йезиси жигитбешиниң орунбасари Тайирҗан Әхмәтов билән Ибрагимниң чоң аписи Раһиләм уруқ-туққанлири намидин сәнъәтчиләргә миннәтдарлиқ билдүрди. Концертни уюштурған қәлби сехи балиларға, уларни тәрбийилигән ата-анилири билән устазлириға рәхмәт ейтти. Балилар бир ай давамида жиғилған 315 миң тәңгини Ибрагимниң атиси Илзатқа тапшурди. Һәрбир ата-ана Алладин пәрзәндиниң саламәтлигини сорайду. Әпсус, һәрдайим әһвал биз халиғинимиздәк болмайду. Болупму, һазир җәмийәттә ярдәмгә муһтаҗ җанлар интайин нурғун. Бирақ қолида болсиму, бәзибир адәмләр «Мениң қолумдин немә келиду, мәблиғим көпәйгәндә ярдәм қилармән» дәп, сахавәтлик ишлардин баш тартиду. Әслидә, гайида адәмгә пул әмәс, бәлки изгү-тиләк билән иллиқ чирайниң өзи купайә. Ибрагимға саламәтлик тиләп олтирип, пәрзәнтлириниң бойиға адәмгәрчилик хисләтлирини сиңдүргән ата-анилар билән устазларға апирин ейтимиз. Илаһим, сехи қоллар соғулмисун! Рашидәм РӘҺМАНОВА. Әмгәкчиқазақ наһийәси. СҮРӘТТӘ: акцияни уюштурған оқуғучилар.

310 рет

көрсетілді

1

пікір
Алдыңғы мақала Қериндаш болсаң, йөләк бол
Келесі мақала Жүрәктин — жүрәккә

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Рашидәм Исламова

14 Тамыз, 2020

Хәйри-сахавәтлик инсанларниң ярдими арқилиқ |Ибрагимниң сақийип кетишишигә тиләкдашлиқ билдүримән.