• Йеңилиқлар
  • 18 Мамыр, 2012

Өз ара һәрикәт ихтидарини кәңәйтип

Қазақстан Президенти Нурсултан Назарбаев МДҺ Дөләт башлиқлири кеңишиниң нарәсмий мәҗлисигә қатнашти. Нарәсмий мәҗлис алдида Қазақстан вә Россия рәһбәрлири иккитәрәплимә музакириләрни өткүзди. Владимир Путин учришишни ечип, Нурсултан Назарбаевниң Евразия кәңлигидә регионал бирләшмиләрни қуруштики ролиға тохтилип, Қазақстан рәһбириниң илгәрки кеңәш кәңлигидики интеграциялик җәриянларни чоңқурлитиш тәшәббускарлириниң бири, Евразия ихтисадий бирләшмиси, Бажхана иттипақи вә кәлгүсидики Евразия Иттипақи муәллиплириниң бири екәнлигини тәкитлиди. —   Буниңдин бир нәччә жил илгири Москвада силәрниң Премьериңлар вә башқиму кәсипдашлирим билән учрашқанлиғим ядимда, шу чағда у Сизниң Бажхана иттипақини қуруш зөрүрлүги тоғрилиқ тәкливиңизни елип кәлгән еди. Шу чағда биз интеграциялик җәриянларни тәрәққий әткүзүшниң нәқ мошу йөнилишини қобул қилдуқ. Бизниң барлиқ бирләшкән идеялиримизниң әмәлгә ашқанлиғиға вә техиму илгириләш үчүн яхши асас-зәминниң моҗут екәнлигигә хошалмән, — дәп тәкитлиди Владимир Путин. —   Биз — стратегиялик иттипақдашлар, йеқин хошна вә шерикләр. Россия вә Қазақстан мунасивәтлири — бу илгәрки кеңәш кәңлигидә мунасивәтләрни қандақ тәрәққий әткүзүш вә қандақ нәтиҗә елиш керәклигиниң үлгиси, дәп ойлаймән. Бажхана иттипақиниң вә Бир пүтүн ихтисадий кәңликниң вуҗутқа келиши әйнә шуниң нәтиҗиси. Россия бизниң 25 миллиард долларлиқ айлинимға егә чоң сода шериклиримизниң бири болуп һесаплиниду. Регионлиримиз оттурисидики һәмкарлиқму актив тәрәққий етиватиду, — дәп тәкитлиди өз новитидә Нурсултан Назарбаев. Қазақстан Президенти Владимир Путинни Қазақстанға рәсмий сәпәр билән келишкә тәклип қилди. Россия Президенти тәклипни қобул қилди.  ...Президентлар учришиши нарәсмий характерға егә болғанлиқтин, униңда чәкләнгән күн тәртиви көздә тутулмиди. Владимир Путин МДҺ Дөләт рәһбәрлири кеңишиниң нарәсмий мәҗлисини ечип, Һәмдостлуқ мәмликәтлириниң, сөзниң һәқиқий мәнасида, әң йеқин стратегиялик шерикләр екәнлигини тәкитлиди. —   Бизни һәқиқәтәнму нурғун нәрсә, биринчи новәттә, хәлиқлиримизниң мустәһкәм достлуқ вә яхши хошнидарчилиқ әнъәнилири бирләштүриду, — деди Россия Президенти. — Бизниң көп әсирлик өтмүшимиз умумий, йеқинқи тарихта болса, һәммимизни, сөзсизки, Улуқ Вәтән уруши бирләштүриду, биз йеқинда Ғалибийәт мәйримини нишанлидуқ. Әмәлиятта биз бир-биримиздин бөлүнгән һалда нәтиҗидарлиқ ишләлмәймиз, тәрәққий етәлмәймиз. Владимир Путин очуқ достанә сөһбәтниң орун елип, униң барлиқ қатнашқучи мәмликәтләргә пайда елип келидиғанлиғиға вә тәшкилат ролини ашурушқа ярдәм қилидиғанлиғиға ишәнчә билдүрди. Өз новитидә бийил МДҺға рәислик қиливатқан Түркмәнстан Президенти Гурбангулы Бердымухамедов Һәмдостлуқ кәңлигидә дуния базириниң чоң секторлириға чиқидиған йеңи көп вариантлиқ транспорт маршрутлирини шәкилләндүрүш идеясини қарап чиқишни тәклип қилди. Униң сөзичә, Түркмәнстанниң транспорт структуриси һазир әмәлгә ашурулуватқан Шимал — Җәнуп вә Шәриқ — Ғәрип йөнилишлири бойичә лайиһиләрниң чоң имканийәтлирини, шундақла Йеқин вә Оттура Шәриқ, Җәнубий вә Шәрқий-Җәнубий Азия базарлириға чиқиш истиқбалини һесапқа елип, мошу маршрутларда муһим һалқа болған болар еди. Әтрап муһитни қоғдаш вә экологияниң жуқури дәриҗисини тәминләш һазирқи дунияниң әң муһим проблемилириниң бири болуп һесаплиниду вә МДҺниң барлиқ дөләтлири мошу йөнилиштә җипсилишиши керәк. Шуңлашқа Түркмәнстан рәһбири 2013-жилни Экологиялик мәдәнийәт һәм әтрап муһитни қоғдаш жили дәп елан қилиш идеясини қоллап-қувәтлиди вә өз мәмликитиниң мошу саһадики тәҗрибиси билән МДҺ бойичә шериклири арисида ортақлишишқа тәйяр екәнлигини билдүрди. Гурбангулы Бердымухамедов 30-май күни Һөкүмәт башлиқлири кеңишиниң мәҗлисигә вә 2-ноябрь күни Дөләт башлиқлири кеңишиниң мәҗлисигә Ашхабадқа рәсмий тәклип қилидиғанлиғини елан қилди. Украина Президенти Виктор Янукович бийил сентябрь ейиниң ахирида Ялтида МДҺ Һөкүмәт башлиқлири кеңиши мәҗлисиниң вә бизнес-форумниң өткүзүлидиғанлиғини хәвәр қилди. Бу қетимқи учришишта бирләшмә кәңлигидә ихтисадий интеграцияни чоңқурлитишқиму алаһидә диққәт бөлүнди.  

134 рет

көрсетілді

0

пікір
Алдыңғы мақала Диний рәһбәрләр форуми: муназириләрдин қарарларни ишләп чиқишқа қарап
Келесі мақала Астана — Минск: умумий тарих, умумий келәчәк

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *