• Әхбаратлар еқими
• 28 Мамыр, 2015

Депутат вертолет һалакитидә қаза болди

27-май күни тәхминән чүшләргә йеқин Талдиқорған әтрапида йол қурулуши жүргүзүлүватқан Көксу наһийәсидә йүз бәргән вертолет һалакитидә вилайәтлик мәслиһәт депутати Жанайдар Егинбаев қаза болди.Регионаллиқ пәвқуладдә вәзийәтләр департаменти вә вилайәт һакимийити бу әхбаратни тәстиқлиди. Тәкитлинишичә, Ж.Егинбаев вертолетта өзи ялғуз болған вә уни өзи башқурған. Алдин-ала тәхмин бойичә, вертолет электр қувитини әвәтиш симлириға илинип қалған. Учқуч вақиә йүз бәргән җайда көз жумған. Шуни қошумчә қилимизки, депутат «Талдықорған жолдары» ҖЧЙниң тәсисчи вә вертолет мошу ширкәткә тәәллуқ болған. Һазирқи күндә вилайәтлик пәвқуладдә вәзийәтләр департаменти, һоқуқ қоғдаш органлири вә транспорт прокуратурисиниң вәкиллири вақиә йүз бәргән җайда ишләватиду.  Насирахун РОЗАХУНОВ. Алмута шәһири.