• Кәсипдаш һәққидә сөз
  • 28 Мамыр, 2015

Дидахмет ағиниң дидари...

Әлвида, кәсипдаш!/ Һәрқандақ җудалиқ хәвәрниң еғирлиғи чүшинишлик. Әнди көңлүңгә йеқин, иллиқ  муамилилик вә әмәлияти билән қәлб төриңдин орун алған есил инсанларниң туюқсиз вапат болғанлиғи тоғрилиқ шум хәвәр болса, униңсизму мискин көңүлләрни қағҗиритип, қәлбиңни өртәп, пәришан отини пүвдигәндәк болидекән...Көрнәклик қазақ язғучиси, қәлими өткүр журналист, хәлиқләр достлуғи вә милләт тәғдири һәққидә һәқиқәтни ейтиштин әймәнмәйдиған тоғра сөзлүк  Дидахмет Әшимханулыниң туюқсиз өлүми униң билән дидарлашқан хелә адәмләрни гаңгиритип қойди. Раст, җан бар йәрдә қазаниңму барлиғи чүшинишлик. Бирақ аримиздин сөзи билән әмәлияти ярашқан инсанларниң әтигән кетиши әләм қилип, хәп дегүзүп, тиригидә ейтип үлгәрмигән  яхши тиләк, миннәтдарлиғиң үчүн өкүнидекәнсән... Бийил жилниң бешида филология пәнлириниң доктори Алимҗан Тиливалдиниң уюштуруши билән М.Әвезов намидики әдәбият вә сәнъәт институтида “Мустәқил Қазақстандики уйғур әдәбияти” мавзусида өткән баш қошуштиму Дидахмет Әшимханулы әдәбиятимиз һәққидә тәвринип сөзләп, сәмимий тиләклирини ейтип, «... Хусусән, әдәбиятни тәрәққий әткүзүштә тилниң тазилиғиға дайим көңүл бөлүш керәк. Униң үчүн балиларни ана тилида оқутуш лазим», дәп тәкитлигән еди. Умумән, Дидахмет  аға уйғур билән қазақниң өзара мунасивити һәрқачан йеқин һәм яхши болғанлиғини, томуримиз билән бүйүк мәхсәт-нишанлиримизниң умумийлиғини тәкитләштин ялиқматти. Көплигән көрнәклик уйғур шаир-язғучилири, болупму Абдумеҗит Дөләтов билән болған достлуғини, адимий бериш-келишлирини дайимла тәвринип, өзигә хас сәмимийлик билән сөзләп кетәтти... Талантлиқ шаир вә журналист Әхмәтҗан Исрапилов Дидахмет ағиниң бәзи һекайилирини уйғурчиға тәрҗимә қилип, “Уйғур авазиниң” миңлиған оқурмәнлиригә тонуштурди. Гоя  өзиниң әтигән кетидиғанлиғини сәзгәндәк, техи апрель ейидила “Уйғур авазида” йоруқ көргән “Милләткә вапасизлиқ қилмайли” намлиқ ихчам мақалисида икки қериндаш хәлиқниң оттурисидики достлуқ вә һөрмәтниң нәқәдәр муһимлиғини алаһидә қәйт қилип өткәнди. Җүмлидин у өз мақалисида:   “...Сир әмәски, һазир уйғур билән қазақни бир-биригә қарши қоюшқа интиливатқан ғәйри күчләр бар. Бирақ биз уларниң депиға уссул ойнимишимиз керәк. Демәк, бүгүн бизниң асасий вәзипимиз – яманлиқни әмәс, бәлки яхшилиқни тәрғип қилип, уни көпчиликкә изчил йәткүзүштин ибарәт”, дәп язғанди. Дидахмет аға “Түркістан“ гезити баш муһәрририниң орунбасари, “Ел шежіре” җәмийәтлик фондиниң рәиси сүпитидә наһайити паалийәтчанлиқ билән ишлиди, алдирап яшиди. У өзиниң җаниҗан қазақ хәлқиниң һаятий муһим муәммалирини көтириш билән биллә, қериндаш уйғур хәлқиниң һәқиқий дости сүпитидә униң миллий әдәбияти, мәтбуати, маарипи һәққидә сағлам ой-пикирлирини ейтишни өзиниң инсаний борчи һесаплиди. “Яхшиниң яхшилиғини ейт” демәкчи, қәләмдишимиз Дидахмет Әшимханулыниң нурлуқ дидари уни йеқиндин билидиғанларниң қәлбидә мәңгү сақланғуси. Әлвида, Дидахмет аға... Роһиң җәннәттә болғай! Рәхмәтҗан ҒОҖАМБӘРДИЕВ.

368 рет

көрсетілді

2

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы