• Дидар ғенимәт
  • 28 Мамыр, 2015

Ветеран устазлар баш қошти

Х.Һәмраев намидики уйғур оттура мәктиви йенида ветеран устазларниң кеңиши тәшкил қилинған болуп, бәш жилдин бери қизғин паалийәт елип бериватиду. Уни өз пәйтидә мәзкүр билим дәргаһиниң мудири болуп ишләп, бүгүнки күндә һөрмәтлик әмгәк дәм елишиға чиққан Қазақстанниң хизмәт көрсәткән муәллими Асийәм Өмәрбақиева башқуриду.Тәркивидә 32 әзаси бар бу кеңәш аталған мәктәптә узун жиллар давамида хизмәт қилған ветеран устазларниң бешини қошуп, уларниң җәмийәтлик ишларға қоюқ арилишишиға тәсир көрситиш, бай иш-тәҗрибисини бүгүнки яш кәсипдашлири арисида тәрғип қилиш, шундақла һәрхил мәйрәмләр билән тәвәллудларни биллә нишанлап өтүш арқилиқ һөрмәт көрситиш мәхситидә тәшкил қилинған. Йеқинда кеңәш әзалири шәһәрдики «Мирас» кафесида май ейида атап өтүлгән шанлиқ мәйрәмләр билән кәлгүсидә нишанлинидиған тарихий сәнәләргә мунасивәтлик новәттики қетим баш қошти. Униңға Зулфийәм Абулхәйирова, Омақ Мәшүрова, Халидәм Әхмәтова, Асийәм Айитова, Сабирҗан Сайитов қатарлиқ мошу мәктәптә хизмәт қилған җәңчи-устазларниң пәрзәнтлириму тәклип қилинди. Мәрасим иштракчилири алди билән дуниядин өткән кәсипдашлирини бир дәқиқә сүкүнат ичидә хатириләп, роһиға тазим қилди. Шуниңдин кейин Асийәм Өмәрбақиева, Нурбан Кулинова, Шарванәм Һапизова, Баһарәм Подчимирова, Қәһриман Илахунов вә башқилар новәт билән сөз сөзләп, сабиқ кәсипдашлирини мәйрәмләр билән тәбрикләп, изгү тиләк-истәклирини билдүрди. Нурәхмәт ӘХМӘТОВ. Турсунмәһәмәт МӘШҮРОВ чүшәргән сүрәт. Яркәнт шәһири.

342 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы