• Йеңилиқлар
• 11 Маусым, 2015

Әмгәкчан бовам

Мениң бовам Қәйсәр Асимов Яркәнт шәһиридә дунияға кәлгән екән. Бовам 4-5 яшлирида Улуқ Вәтән уруши башлиниду. У 7 йешида атқа минип соқа билән йәр һайдиди, чөп чапти, су тутти, хаманда буғдай соруп ишлиди. Бовамниң дадиси Зордун чоң бовам армия қатарида болуп, аниси Имәрахан чоң момам арқа сәптә кечә-күндүз әмгәк қипту. Чоң момам яш қайтиш болғанлиғи үчүн, бовам Қәйсәргә пәқәт 4-синипни тамамлашқа тоғра келиду. Қәйсәр бовам 1958-жили һәрбий сәпкә чақиртилип, у йәрдә яғашчилиқ билән шуғуллиниду.  Армиядин кейин ана жути Чоңчиған йезисиға қайтип келиду. Әмгәк паалийитини Киров намидики колхоздин башлап, пүткүл аңлиқ һаятини егилик ишлириға беғишлиди. 1965-жилдин буян Яркәнт шәһириниң Мәдәнийәт бөлүмидә әмгәк қилип, 1991-жили һөрмәтлик дәм елишқа чиқти. Униң җапалиқ әмгиги мунасип баһалинип, у һәрхил жилларда көплигән мукапат вә Пәхрий ярлиқларниң егиси аталди. Һөрмәтлик дәм елиштиму вақтини бошқа өткүзмиди. Беғимизда мевиләрни пәрвиш қилип өстүрүш билән биллә мал беқип һаятиниң ахириғичә әмгәк қилди. Бовам билән момам төрт пәрзәнт тәрбийиләп, уларға алий билим берип, өз угилириға қондурди. Һазир бовамниң 11 нәврә, 1 чәвриси бар. У 2013-жили вапат болди. Бовамниң қилған әмгиги билән мән һәқлиқ рәвиштә пәхирлинимән һәм келәчәктә бовам охшаш әмгәкчан болушни арман қилимән. Арманҗан ҚӘЙСӘРОВ, Чоң Чиған оттура мәктивиниң 4-синип оқуғучиси. Панфилов наһийәси.