• Әхбаратлар еқими
• 11 Маусым, 2015

Хуш кәйпият беғишлиди

Җай-җайлардикидәк, Дөләт рәмзлири күнигә беғишланған тәнтәнилик мәрасимлар Уйғур наһийәсидиму кәң даиридә атап өтүлди. Наһийәлик Мәдәнийәт өйиниң сәһнисидин орун алған Дөләт байриғи билән Герби мәдһийиләнгән шеирлар оқулди. Елимиз мустәқиллигиниң нишани болған муқәддәс рәмзләр мәрикиси билән барчини тәбриклигән наһийә һакиминиң орунбасари Қуралбек Бекмуханбетов һәрбир қазақстанлиқниң қәлбидә ана-Вәтәнгә вә униң рәмзлиригә болған һөрмәт, ғурур вә пәхирлиниш туйғулириниң моҗут екәнлигини тәкитләп өтти. Андин у бир түркүм жутдашларни наһийә һакиминиң Тәшәккүрнамиси билән мукапатлап, тәвә тәрәққиятиға қошқан төһписи үчүн уларға миннәтдарлиқ билдүрди.

    Махмут ИСРАПИЛОВ.

Уйғур наһийәси.