• Концерт
• 18 Маусым, 2015

Гөдәкләргә ғәмхорлуқ

Йеқинда Алмута шәһири Медев наһийәси һакиминиң аппарати билән Оқуғучилар сарийи коллективиниң уюштуруши вә Қазақстан Уйғур яшлар бирлиги, «Раид»  ата-анилар җәмийитиниң қоллап-қувәтлиши билән «Бәхитлик балилиқ чағ» намлиқ мәйрәмлик концерт өтти. Униңға «Киндер SOS» балилар йезиси, «Жанүя», «Дом  Надежды» балилар өйлиридин вә имканийити чәкләнгән балилар ата-анилири ассоциациясидин «АРДИ» 300гә йеқин бала қатнашти. Мәйрәмлик концерт башлиништин илгири, Медев наһийәлик һакимийити Мәдәнийәт вә дөләт тили бөлүминиң башлиғи Жанна Досанова балиларға өзиниң изгү тиләклирини билдүрди. Андин концертқа иштрак қилған Қазақстан эстрада юлтузлири, җумһурийәтлик мусабиқиларниң ғалиплири вә Оқуғучилар сарийиниң тәрбийиләнгүчилири кичик меһманларни хошаллиқ кәйпиятқа бөләп, уларға музшекәрләрни таратти. Шундақла «Раид» ата-анилар ассоциацияси тәрипидин тәйярланған соғилар тапшурулди. Мәйрәмлик концерт ахирида ушбу мәрасимни уюштурушқа һәртәрәплимә яр-йөләк болған Қазақстан Уйғур яшлар бирлиги билән «Раид» ата-анилар җәмийитигә наһийә һакими намидин тәшәккүрнамилар тапшурулди.

Зулфия ТАЙИПОВА.