• Спорт
  • 25 Маусым, 2015

Бокс турнири болуп өтти

Кейинки вақитларда Қазақстанда бокс иштик сүръәт билән тәрәққий етип, у, һәтта миллий спорт түригә айланмақта. Буни елимиз боксчилириниң Дуния миқиясида қолға кәлтүрүватқан утуқлири испатлайду. Әнди Ермахан Ибрайимов, Бекзат Саттарханов, Бахтияр Артаев, Серик Сапиев охшаш Олимпиада чемпионлири җумһурийитимизни дунияға тонутти.Йеқинда биртүркүм чемпионларни тәйярлап үлгәргән «Каравелла» спорт клубиниң мәшиқләндүргүчилири Илзат Рембақиев вә Наград Дәраевниң уюштуруши билән өсмүрләр арисида бокс бойичә җумһурийәтлик очуқ турнир болуп өтти. Мәзкүр турнир Қазақстан маарип әлачиси, Панфилов наһийәсиниң Пәхрий граждини, пешқәдәм устаз Тайир Насировниң хатирисигә беғишланди һәм униңға Алмута, Җамбул, Чимкәнт, Аякөз, Шәмәй, Алакөл вә Өскәмән шәһәрлиридин вә Қирғизстандин болуп 200гә йеқин спортчи қатнашти. Турнир төрт күн давам қилип, өз салмақ дәриҗилири бойичә мукапатлиқ орунларни егилигән 30 яш боксчиға мәхсус соғилар тапшурулди. Командилар бойичә Алмута шәһириниң «Сдюшор – 16» командиси – І, «Өскәмән» командиси – ІІ вә Қирғизстанниң «Бишкек» командиси ІІІ орунға муйәссәр болди. Шуниң билән биллә «Әң яхши боксчи», «Әң яхши судья», «Әң яхши мәшиқләндүргүчи» номинациялири бойичиму ғалиплар ениқланди.

Альбина ӘМӘТОВА.

299 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы