• Әхбаратлар еқими
  • 02 Шілде, 2015

«Жулдыз» журналиниң сәһипилиридә

«Қазақстан Язғучилар иттипақиниң оргини болған әдәбий-иҗтимаий «Жулдыз» журнали 1922-жилдин бери чиқиватқан аммибап нәширләрниң бири. Мәзкүр журналда нәзмий вә нәсрий әсәрләр, әдәбиятшунаслиқ, сәнъәт, тарих һәм илмий-тәңқидий мақалилар турақлиқ бесилип туриду. Журналниң мошу жилқи 5-санида М.Әвезов намидики Әдәбият вә сәнъәт институтиниң мудири, филология пәнлириниң доктори, профессор, академик Уәлихан Қалижановниң «Әдәбиятшунаслиқ» рубрикисида «Қазақстандағы Ұйғыр әдебиеті» намлиқ көләмлик мақалиси елан қилинип, униңда уйғур язғучилириниң әсәрлири һәққидә пикир жүргүзүлиду. Болупму Зия Сәмәдиниң «Әхмәт әпәнди», «Жиллар сири» Һезмәт Абдуллинниң «Турпан тәвәсидә», «Отлуқ чәмбәр», Җамалидин Босақовниң «Көч-көч», Әхмәтжан Һашириниң «Идиқут» вә «Баурчуқ арт текин» тарихий романлирини илмий асаста тәһлил қилип, қазақ оқурмәнлирини заманивий уйғур әдәбиятиниң бүгүнки нәпәси билән йеқиндин тонуштуриду. Шундақла журналниң мошу санида язғучи вә шаир Тельман Нурахуновниң «Ахирқи чақмақ» һекайисини Дәкен Ахметулы қазақ тилиға «Шер» нами билән тәрҗимә қилип, «Түрк дунияси» рубрикиси астида елан қилған.

Фируза НӘВИРДИНОВА.

768 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы