• Спорт
• 02 Шілде, 2015

13 яшлиқ «Спорт маһирлиғиға намзат»

Сағлам һаят тәризини өзигә һәмра қилип, уни күндилик әмигигә айландурған пәрзәнтлиримизниң сани күн санап өсмәктә. Уларниң арисида қизларму аз әмәс. Шуларниң бири – Муқағали Мақатаев намидики оттура мәктәпниң 8-синип оқуғучиси Меһиргүл Өмәрҗан (сүрәттә). У үч жилдин бери спортниң әркин күрәш түри билән шуғуллинип кәлмәктә.Меһиргүл чоң аилиниң алтинчи пәрзәнди. Кәнҗә қизиниң әркин күрәш билән шуғуллиниши ата-анисини башта әнсизчиликкә салғини раст. Бирақ, қизчақниң қол йәткүзгән утуқлирини, униң үстүн кәйпиятини, бош вақтини һазирқи яшларниң көпчилигигә охшаш янфон яки компьютер қучақлап әмәс, бәлки  спортқа иштияқ бағлиғанлиғини көргән ата-ана пәрзәндиниң алдини торимиди. Қандақла мусабиқә болмисун, қизиниң униңға қатнишиши үчүн  шараит яратти. Әнди униңға әркин күрәшниң қир-сирини үгитишкә көп әҗир сиңдүргән «Лачин» клубиниң мәшиқләндүргүчиси Полат Данахуновниң әмгигини алаһидә аташқа әрзийду.  Меһиргүл Алмута, Талдиқорған, Чимкәнт вә башқиму шәһәрләрдә, шундақла Қирғизстанниң Бишкек шәһиридә өткән  турнирларға қатнишип, мукапатлиқ орунлардин көрүнди.  Мана шу утуқлири  түпәйли Меһиргүл 13 йешида «Спорт маһирлиғиға намзат» аталди. Атап кетиш керәкки, Меһиргүл дөләт тилида билим алиду. Чоң утуқларға қол йәткүзүватқан спортчи қизимизға келәчәктиму егиз чоққилардин көрүнүшни тиләймиз.

Рашидәм РӘҺМАНОВА.

Әмгәкчиқазақ наһийәси.