• Кичик вә оттура тиҗарәт
  • 10 Шілде, 2015

Ишбиләрмән аяллар пикир елишти

«Нур Отан» партияси наһийәлик шөбисидә кичик вә оттура тиҗарәт саһасида паалийәт елип бериватқан ишбиләрмән аяллар баш қошуп, өзара пикир елишти. Униңға Панфилов, Уйғур вә Райымбек наһийәлиридин вәкилләр қатнашти. Баш қошушни «Қазақстанниң ишбиләрмән аяллар ассоциацияси» регионаллиқ вакаләтлиги рәисиниң орунбасари, «Ирадә» шәхсий дехан егилигиниң рәиси Сүрийәм Һезимова киришмә сөз билән ечип, тәвәдә «Нұрлы жол», «Йол хәритиси — 2020» вә башқиму дөләт программилирини орунлаш мәхситидә әмәлгә ашурулуватқан чарә-тәдбирләр тоғрилиқ тохтилип өтти.Шуниңдин кейин «Қазақстанниң ишбиләрмән аяллар ассоциацияси» Алмута вилайәтлик бөлүми рәисиниң орунбасари Ермек Нурахметов, Алмута вилайәтлик Тиҗарәтчиләр палатиси наһийәлик бөлүминиң рәиси Азамат Байғуттиев сөзгә чиқип, елимиздә кичик вә оттура тиҗарәтни тәрәққий әткүзүш үчүн көп имканийәтләрниң яритиливатқанлиғини, шуниң нәтиҗисидә саһада паалийәт жүргүзүватқан ханим-қизлар сепиниң жилдин-жилға көпийип, бүгүнки күндә умумий тиҗарәтчиләрниң 45 пайизидин ошуғини тәшкил қилидиғанлиғини тәкитлиди. «Атамекен» Миллий палатиси йенидики вилайәтлик ишбиләрмән аяллар кеңишиниң рәиси, Талдиқорған шәһәрлик мәслиһәтниң депутати Мәмила Мусабекова өз сөзидә «Нұрлы жол» дөләт программисиниң асасий йөнилишлиригә тохталди. «Даму» фондиниң вилайәт бойичә баш менеджери Жандос Нурғазинов мәзкүр фондтин несийә елиш мәсилилири бойичә әтраплиқ чүшәнчә бәрди. Әнди яркәнтлик Айгүл Әлимҗан, Маһинур Аюпова, Банум Розиева, Мөлдир Бурашева, Нурбүви Вәлиева өзлириниң иш-тәҗрибилиригә асаслинип, кичик вә оттура тиҗарәтни тәрәққий әткүзүш мәсилилиригә мунасивәтлик пикир-тәклиплирини оттуриға қойди. Нурәхмәт ӘХМӘТОВ. Панфилов наһийәси.

243 рет

көрсетілді

0

пікір
Алдыңғы мақала Тәдбирчан аилә
Келесі мақала Иссиқ нанға мәрһәмәт

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

23 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы