• Йеңилиқлар
• 10 Шілде, 2015

Сәнъәт вә технологияләр фестивали

5-июль күни Нурсултан Назарбаев Astana Art Fest І заманивий сәнъәт вә технологияләр фестивалини вә «Нұрлы Есіл» мультимедиялик лазер-пиротехникилиқ шоуни зиярәт қилди. Дөләт рәһбири пайтәхтниң Су-йешил бульварида Astana Art Fest фестивалиниң «ЭКСПО-2017» көргәзмисиниң идеясини әкис әттүридиған «От энергияси», «Су энергияси» вә «Һава энергияси» тематикилиқ зонилирини көздин кәчүрди.Фестиваль мәйданиға Франция, Германия, Нидерландия, Италия, Испания, АҚШ, Россия вә Қазақстан рәссамлириниң әмгәклири билән инновациялик инсталляцияләр қоюлди. Униңдин ташқири балиларға беғишланған иҗадий маһарәт синиплири, театрлаштурулған коча оюн-тамашилири вә келәчәк энергиясиниң ихтидири тоғрилиқ қизиқарлиқ һәм интерактив шәкилдә һекайә қилидиған семинарлар уюштурулди. *** Нурсултан Назарбаев шундақла Қирғизстан Президенти Алмазбек Атамбаев вә Түркияниң сабиқ президенти Абдулла Гүл билән лазер-пиротехникилиқ шоуни зиярәт қилди. Есил дәриясиға қоюлған сәһнидә хореографиялик оюнлар қоюлуп, симфониялик оркестр қазақ хәлиқ музыкисини һәм классикилиқ композицияләрни орунлиди. Шоу давамида судин ясалған экранда түрлүк әлләрниң тиллирида шәһәр күнигә беғишланған тәбрикләр көрситилди. Су дәрвазилирида вә фонтанларда болса, заманивий йоруқ-лазерлиқ технологияни қоллиниш арқилиқ Астананиң силуэти ясалди.